Eýro-2016: Belgııa quramasy Irlandııa komandasyn oısyrata jeńdi - VIDEO
ASTANA. QazAqparat - Belgııa quramasy Eýro-2016 dodasy toptyq kezeńiniń ekinshi týryndaǵy matchta Irlandııa komandasyn aıqyn basymdyqpen jeńdi - 3:0.
Kezdesý sanaýly sátter buryn Bordo qalasyndaǵy "Stad de Bordo" stadıonynda aıaqtaldy.
Esepti ekinshi kezeń bastala salysymen qarymta shabýyldy sátti aıaqtaǵan Romelý Lýkaký ashty. Oıynnyń 60-shy mınýtynda qarsylas qaqpasyna baspen dop salǵan Aksel Vıtsel esepti 2:0-ge jetkizdi. 70 mınýtta jartylaý qorǵaýshy Eden Azardan pas alǵan Romelý Lýkaký dýbl oryndady.
Osylaısha E tobynda ekinshi týrdyń qorytyndysy boıynsha pleı-off kezeńine joldamany qorjynǵa salyp úlgergen ıtalııalyqtar 6 upaımen top bastap tur. Belgııalyqtar 3 upaımen ekinshi orynda. Al Irlandııa men Shvetsııa bir-bir upaıdan oljalaǵan.
Búgin 18 maýsym kúni taǵy 2 match ótedi: 22:00-de - «Islandııa - Vengrııa», 01:00-de - «Portýgalııa - Avstrııa» quramalarynyń kezdesýleri bolady. Atalǵan kezdesýlerdi «Qazaqstan» telearnasy tikeleı efırde kórsetedi.
