EÝRO-2015: Qazaqstan jastary Armenııany tize búktirdi. VIDEO
ASTANA. 15 qazan. QazAqparat - Fýtboldan Qazaqstan jastar quramasy Eýropa chempıonatyna irikteý syndary aıasynda syrt alańda Armenııamen oıyn ótkizip, 2:1 esebimen jeńiske jetti.
Bul týraly «Alaman» ulttyq sport portalynan habarlandy.
Jaqynda ǵana Sergeı Borovskıı ketip onyń ornyna Andreı Ferepontov kelgen edi. Demek, bul jańa bapkerdiń alǵashqy synaǵy.
Oıyn bizdiń quramanyń basymdylyǵymen bastaldy. 31-mınýtta Abzal Beısebekovten tamasha pas alǵan «Shahter» oıynshysy Roman Mýrtazaev esep ashqan. Bul esep birinshi taım sońyna deıin saqtaldy. Al ekinshi taımdy alań ıeleri jańa leppen bastap, 48-mınýtta Davıd Okopıannyń kómegimen tablodaǵy esepti teńestirip ketti.
Degenmen, 72-mınýtta Ilıa Kalınınniń shyǵarǵan pasyn Abzal Beısebekov golǵa aınaldyrdy. Osylaısha bizdiń qurama syrt alańda jeńiske jetti. Bul bizdiń osy irikteý synyndaǵy ekinshi jeńisimiz. Alǵash ret Belorýssııa quramasyn syrtta utqan edik. Eske sala keteıik, Armenııany Astanada qabyldap, 0:1 esebimen ese jibergenbiz.
