Eýro-2015: Qazaqstan jastar quramasy Islandııany tize búktirdi
ASTANA. QazAqparat - Fýtboldan Eýro-2015 irikteý kezeńinde Qazaqstannyń jastar quramasy Islandııa komandasyn tize búktirdi, dep habarlaıdy vesti.kz saıty.
«Astana-Arena» stadıonynda ótken kezdesý 3:2 esebimen aıaqtaldy. Birinshi taımda qazaqstandyq komanda qarsylastarynan eki golǵa ozyp ketken bolatyn.
Matchtyń alǵashqy taımynda qarsylastardyń qaqpashysy jibergen qatelikti utymdy paıdalanǵan qazaqstandyqtar esep ashty. Gol avtory Stanıslav Lýnın. Az ýaqyttan soń 12-mınýtta Roman Murtazaev Qazaqstan quramasynyń upaıyn eseleı tústi.
Ekinshi taımda ıslandyqtar Stas Pokatılov qorǵaǵan qaqpaǵa gol salyp qana qoımaı, esepti 2:2 jetkizgen bolatyn. Alaıda Qazaqstan fýtbolshylary bir oıynshyǵa kem oınap jatqanyna qaramastan, matchtyń aıaqtalýyna 1 mınýt qalǵanda Islambek Qýattyń mergendigimen Islandııaǵa taǵy bir gol saldy.
Osy jeńisinen keıin Qazaqstannyń jastar quramasy 9 upaı enshiledi. Eýro-2015 týrnıriniń aqtyq synyyna ótetin múmkindikteri de saqtaldy.
Endi qazaqstandyq jas fýtbolshylar topta 18 upaımen kósh bastap kele jatqan Frantsııa quramasymen kezdesedi. Islandııa 12 upaımen ekinshi orynda.
