Eýro-2012 jankúıerler jınaýdan rekord ornatty
ASTANA. 25 maýsym. QazAqparat - Álem kóz tikken Eýro-2012 fýtbol chempıonaty jankúıer jınaýdan týrnır tarıhynda rekord ornatty, dep habarlady Ýkrınform.
Jasyl alańda ótip jatqan toptyq básekelestik jarystar men shırek fınaldarǵa oıyndy tamashalaý úshin shamamen 1,3 mln. jankúıer (1 mln. 274 myń 186 adam) qatysyp, kózaıym boldy. Bul týraly «Ýkraına-2012» aqparattyq ortalyǵy habarlady.
«Eýro-2012 chempıonatyndaǵy stadıondardyń ortasha syıymdylyǵy 45 507 adamǵa deıin jetedi. Syıymdylyǵy eń kóp arenalar 1988 jyly Germanııada boldy, biraq ol kezde arenalardyń jaıly oryndary az bolǵandyǵy esebinen, edáýir kóp adamdy qamtylatyn edi. Týrnırdiń eń iri arenalarynda ótetin kelesi 3 matchty esepke alǵanda, «Olımpııskıı» Ulttyq sport keshenine 65 myńǵa jýyq bılet satyldy, boljam boıynsha Eýro-2012 chespıonatyna keletinderdiń sany 1 mln. 400 myń jankúıerden asyp ketýi yqtımal», - delingen habarlamada.
Aıta ketken jón, 2008 jyly Shveıtsarııa men Avstrııadaǵy Eýropa chempıontyna sport súıer qaýymnyń 1,14 mln. jankúıeri kózaıym bolǵan.
