Eýro-2012 tórtinshi kúniniń qorytyndysy: Frantsııa-Anglııa - 1:1, Ýkraına-Shvetsııa - 2:1

Onda «D» tobyndaǵy birinshi týrdyń matchynda Frantsııa men Anglııa, sondaı-aq Ýkraına men Shvetsııanyń qurama komandalary oınady.

Birinshi oıyn «Donbass Arena» stadıonynda ótti, onda Frantsııa men Anglııa 1:1 esebimen teń oınady.

Matchtyń birinshi 15 mınýty baıypty jaǵdaıda ótti, degenmen, aǵylshyndyqtardyń belsendiligimen este qaldy. 16-nshy mınýtta Djeıms Mılner men  ıÝgo Lorıs birge-bir qalǵan sátte Anglııanyń qurama komandasynda gol soǵýǵa múmkindikteri boldy. Alaıda, ol golkıperdi aınalyp ótkenimen, bos qaqpaǵa dopty kirgize almady. 

Degenmen, oıynnyń 30-ynshy mınýtynda Anglııa esepti ashty. Stıven Djerrardtyń aıyp alańyna bergen dobyn qabyldaǵan aǵylshyndardyń qorǵaýshysy Djon Leskott dopty frantsýzdardyń qaqpasyna engizdi.

6 mınýttan keıin Alý Dıarra qarsylas komandanyń jaǵynan, aıyp alańynan soqqan dopty Djo Hart boldyrmady jáne Dıarranyń qaıta jasaǵan soqqysy da naqty bolmady.

Degenmen, oıynnyń 39-ynshy mınýtynda frantsýzdar esepti teńestirdi. Patrıs Evra men  Frank Rıberıdiń qatysýymen jasalǵan kombınatsııadan keıin dop jartylaı qorǵaýshy Samır Nasrıdiń enshisine tıip, ol qarsylastardyń qaqpasyna, Dj.Hartqa gol soqty.

Ekinshi taımnyń ekinshi jartysy tynyshtyq jaǵdaıda ótti, komandalar baıyptylyq tanytyp, shabýyl jasaýǵa umtylmady, sonyń nátıjesinde oıyn alańnyń ortasynda toqtap qaldy. Matchta qarsylastar qaýipti shabýyldarmen almasqanymen esh nátıje bolmady.

Ekinshi oıyn Kıevtiń «NSK Olımpııskıı» alańynda ótti, onda chempıonattyń ıeleri  - Ýkraınanyń qurama komandasy Shvetsııany 2:1 esebimen utty.

Birinshi taım gol soǵýdyń kóptegen sátterimen ótti. Degenmen, dop qaqpaǵa kirmedi. Jalpy alǵanda teń básekelestik kúres boldy, oıyn negizinen alańnyn ortasynda ótti.

Ekinshi taımda kórermender «fýtboldyń juldyzdary» Zlatan Ibragımovıch pen Andreı Shevchenkonyń sheber oıynyna, qaqpaǵa soǵylǵan golyna kózaıym boldy. Shvedter birinshi bolyp kózge tústi. 52-nshi mınýtta Kım Chellstrem dopty qabyldap alyp, qaqpanyń janynan soqty, bul sátti utymdy paıdalanǵan Z.Ibragımovıch dopty aıaǵymen oınaqtata otyryp, Andreı Pıatovtyń qaqpasyna baǵyttady.

Ýkraınalyqtar nebári 3 mınýttyń ishinde esepti teńestirdi. 55-inshi mınýtta oń jaq flangtan Andreı Ermolenko dop soǵyp, ýkraınalyq forvard Andreı Shevchenkoǵa baǵyttady, ol óz kezeginde dop basymen shvedterdiń qaqpasyna kirgizdi.

Osydan keıin oıyn qarymdy shabýyldarmen este qaldy. Oıynnyń sońynda týrnırdiń ıeleri 3 upaımen jeńiske qol jetkizdi.

Búgin «A» tobynyń ekinshi matchtary ótedi. Vrotslavta Gretsııa men Chehııa qurama komandalary oınaıdy. Chempıonat Varshavada jalǵasyn tabady, ol jerde Polsha men Reseıdiń komandalary baq synaspaq.

QazAqparat fýtboldan ótip jatqan «Eýro-2012»  Eýropa chempıonatynyń kún saıynǵy qorytyndylarymen aqparattandyrýdy jalǵastyrady.