Eýro-2012-niń úshinshi kúniniń qorytyndysy: Ispanııa - Italııa - 1:1, Irlandııa - Horvatııa - 1:3

Birinshi oıyn «Arena-Gdansk» stadıonynda ótti. Onda álem men Eýropanyń qazirgi chempıondary - Ispanııa quramasy 1:1 esebimen «S» tobyndaǵy taǵy da bir favorıt Italııanyń komandasymen teń oınady.

Birinshi taımda komandalardyń talpynysyna qaramastan esep ashylmady. Birinshi qaýipti sátter 15-shi mınýttarda boldy. Marıo Balotellıdiń alań ortasyndaǵy qateliginen keıin ıspandyqtar kontrshabýylǵa kóshti, alaıda ıtalıandyqtarǵa aıyp dobyn oryndaý kezinde Davıd Sılva qaqpaǵa dóp túse almady. Óz kezeginde, ıtalıandyq Andrea Pırlonyń esepti ashýǵa múmkindigi boldy, degenmen dop qaqpaǵa túspedi. Osydan keıin, birinshi bólimniń sońyna qaraı alańda azdaǵan artyqshylyqpen ıspandyqtar basym júrdi, biraq ıtalıandyqtardyń sheber oınaýy esepti ashýǵa múmkindik bermedi. Birinshi taımda ıtalıandyqtardyń eki ret alǵa shyǵýǵa múmkindikteri boldy, alaıda Iker Kasılıas Klaýdıo Markızıonyń baǵyttaǵan dobyn keri qaıtaryp úlgerse, keıin Tıagý Mota shabýyldy iske asyrý múmkindigin jiberip aldy.

Ekinshi taımnyń basynda taraptar shabýyldarmen ózara almasyp, biraz qobaljytty. 58-inshi mınýtta Chezare Prandellı, dopqa ıe bola almaı qalǵan Marıo Balotellıdi Antonıo Dı Natalemen almastyrdy. Keıin bul qadam durys bolǵandyǵyn kórsetti. Nebári 4 mınýttan keıin Andrea Pırlonyń  utymdy ári sheber baǵyttalǵan dobynan keıin Dı Natale esepti ashty.

Alaıda, ıtalıandyq jankúıerlerdiń qýanyshtary uzaqqa sozylmady. Úsh mınýttan keıin ıspandyq Seska Fabregastyń dop soǵýynan keıin esep teńesti. Ispanııa qurama komandasynyń alǵa shyǵýǵa múmkindigi boldy. Alańǵa shyqqan Fernando Torrestiń ıtalıandyqtardyń qaqpasyna gol soǵýǵa 3 ret múmkindigi bolǵanymen, esh nátıje bolmady.

Dı Nataleniń ıtalıandyqtardy alǵa shyǵarýǵa múmkindigi boldy. Alaıda, onyń da joly bolmady. Matchtyń aıaqtalýyna deıin eki komanda da qaýipti shabýyladardy jasaýmen boldy, degenmen esep ózgermedi. Matchtyń qortyndysy 1:1 bolyp qaldy.

Ekinshi oıyn Poznanı qalalyq alańynda ótti, onda Irlandııa men Horvatııanyń qurama komandalary horvatııalyq komandanyń paıdasyna 1:3 esebimen nátıje kórsetti.

Matchtyń birinshi mınýttarynda horvattar bastamany óz qoldaryna aldy. Dop buryshtan oınatylǵannan keıin, 3-inshi mınýtta Horvatııa qurama komandasynyń kapıtany Darıo Srna aıyp dobyn oryndady, dop Marıo Madjýkıchýge túsip, ol dopty basymen qaqpaǵa  dál túsirdi.

Irlandyqtar esepti teńestirý úshin biraz ter tókti. Jasaǵan shabýyldardyń birinde olar aıyp soqqysyn baǵyttaı aldy. 19-ynshy mınýtta Eıden Makgıdı dopty qaqpaǵa qaraı baǵyttady, al Shon Sent-Ledjer dopty basymen horvattardyń qaqpasyna engizdi.

Alaıda, birinshi taımnyń sońyna deıin ırlandyqtar ábigerge salyna bastaǵan kezde, horvattar basyp ozdy. 43-inshi mınýtta Lýkı Modrıchtiń dopty alystan baǵyttaýynan, ırlandyq qorǵaýshy selqos qımyldap, dopty Nıkıtse Elavıchke dál berdi. Ol óz kezeginde, qarap qalmaı, dopty qaqpaǵa dóp túsirdi.

Ekinshi taımda horvattar basymdyqtaryn odan ári kórsete bastady. 49-ynshy mınýtta Ivan Perıshıch sol jaqtaǵy flangtan aıyp dobyn oryndady, muny Marıo Mandjýkıch paıdalanyp, goldy qaqpaǵa basymen soqty. Dop aldymen shtangaǵa tıdi, keıin qaqpashynyń basyna tıip, qaqpa syzyǵynan ótti.

Matchtyń qalǵan ýaqytynda eki komanda da birqatar sátterdi týǵyzǵanymen esh nátıjege qol jetkize almady. Aıaǵynda Horvatııanyń qurama komandasy 3:1 esebimen jeńiske jetip, «S» tobynyń birinshi ornyna shyqty.

Búgin «D» tobynyń birinshi matchtary ótedi. Donetskide, «Donbass Arena» stadıonynda Frantsııa men Anglııa qurama komandalary baq synasady. Chempıonat Kıevtiń «NSK Olımpııskıı» alańynda Ýkraına men Shvetsııa komandalarynyń oıynymen jalǵasa túspek.

QazAqparat fýtboldan ótip jatqan «Eýro-2012»  Eýropa chempıonatynyń kún saıynǵy qorytyndylarymen aqparattandyrýdy jalǵastyrady.