Eýro-2012-niń on fınalısi anyqtaldy
TANA. 12 qazan. QazAqparat - Seısenbi kúni, 11 qazanda, oınalǵan match qorytyndysy boıynsha, 2012 jyly ótetin fýtbol boıynsha Eýropa chempıonatynyń biliktilik raýndy sheńberinde jarystyń qorytyndy bóliminiń 10 qatysýshysy anyqtaldy.
Olar: óz toptarynda birinshi oryn alǵan Reseı, Germanııa, Italııa, Frantsııa, Nıderlandy, Grekııa, Anglııa, Danııa men Ispanııa, sonymen qatar ekinshi oryn alǵan komandalar ishinde bárinen kóp upaı jınaǵan Shvetsııa.
Lenta.ru-dyń habarlaýynsha, seısenbi kúni barlyǵy 22 kezdesý ótti.
Eýro-2012 qorytyndy bóliminde sondaı-aq týrnırdiń ıesi bolyp tabylatyndyqtan irikteý týrnırine qatyspaǵan Ýkraına men Polsha oınaıdy.
Taǵy tórt fınalıst toǵyspa matchtarda baq synasatyn Túrkııa, Irlandııa, Estonııa, Bosnııa jáne Gertsegovınıa, Horvatııa, Chernogorııa, Portýgalııa men Chehııa komandalary arasynda anyqtalady. Qarasha aıyna belgilengen bul kezdesýlerdiń jerebesi 13 qazanda tastalady.
Eýro-2012 fınalynyń jerebe tastaý rásimi 2 jeltoqsanda Kıevte ótedi.
