Eýro-2012 kúniniń qorytyndysy: Danııa - Portýgalııa - 2:3, Gollandııa - Germanııa - 1:2

Onda «V» tobyndaǵy ekinshi kezeń matchtaryn Danııa men Portýgalııa, sondaı-aq Gollandııa men Germanııa quramalary ótkizdi.

Birinshi oıyn «Arena Lvov» stadıonynda ótti, onda Portýgalııanyń quramasy Danııa komandasynan 3:2 esebimen basym tústi.

Birinshi goldy portýgalııalyqtar 24-inshi mınýtta soqty. Krıshtıaný Ronaldý buryshtan bergen dopty madrıdtyk «Realdyń» oıynshysy Pepe danııalyqtardyń qaqpasyna kirgizdi. 37-nshi mınýtta portýgalııalyqtar basymdyqtaryn arttyryp, oıyndaǵy ekinshi dopty kirgizdi. Bul joly Nanıdiń on jaq qaptaldan ádemi bergen dobyn qarsylastardyń qaqpasyna dál túsirgen Elder Poshtıga erekshelendi.

Shamamen bes mınýttan keıin danııalyqtar jaýap berdi. 42-nshi mınýtta Mıkaelıa Kron-Delıdiń pasynan keıin shabýyldaýshy Nıklas Bendtner dopty qaqpaǵa dóp túsirdi. Nátıjesinde birinshi taım 2:1 esebimen, portýgalııalyqtardyń paıdasyna aıaqtaldy.

Ekinshi taımda Portýgalııa quramasy basymdyǵyn arttyrý úshin kóptegen jaqsy sátterge ıe boldy, alaıda olardy paıdalana almady. Óz tarapynan Danııa quramasynyń oıynshylary múmkindikti jibermeı, 80-inshi mınýtta esepti teńestirdi. Sol jaq qaptaldan Lars ıAkobsenniń bergen dobyn shabýyldaýshy Nıklas Bendtner portýgalııalyq quramanyń qaqpasyna dopty ekinshi ret basymen kirgizdi.

Alaıda portýgalııalyqtarǵa tek jeńis kerek boldy. Onyń jaqsy sáti de tústi. 87-nshi mınýtta sol jaq qaptaldan berilgen dopty Sılvestr Varela  sol aıaǵymen qabyldaı almaı qaldy, biraq keıin on aıaǵymen senimdi túrde dopty Stefan Andersenniń qaqpasyna kirgizdi. Nátıjesinde Portýgalııa 3:2 esebimen jeńiske jetip,  chempıonatta pleı-ofqa túsý úshin kúreske qosylýǵa múmkindik beretin birinshi upaılardy jınady.

Ekinshi oıyn Harkovtyń «Metallıst» stadıonynda ótti, munda Germanııa quramasy Gollandııany 2:1 esebimen jeńdi.

Birinshi kezeńde gollandııalyqtar belsendilik tanytyp, birneshe qaýipti sát týǵyzdy, biraq olardy paıdalana almady. Óz kezeginde Germanııa quramasynyń oıynshylary kúshterin saqtap, qarsy shabýyldarǵa álsin-álsin ǵana jaýap berip otyrdy. Olardyń bireýinde nemister gollandııalyqtardyń qaqpasyn buza aldy, 24-inshi mınýtta Bastıan Shvaınshtaıgerden dopty qabyldaǵan Marıo Gomes qaqpashymen birge-bir shyǵyp, dopty qaqpaǵa saldy.

Gollandııalyqtar esepti teńestirýge birden múmkindik aldy, alaıda nemis qaqpashysy Aren Robbenniń soqqysyn senimdi qabyldady. Budan keıin nemister qarsylastarynyń qaqpasyna pressıngti uıymdastyrdy. 37 mınýtta, aıyp doby berilgen soń qorǵaýshy Holger Badshtýber jaqyn jerden dopty basymen soqty, biraq Marten Stekelenbýrg óz qaqpasyn qorǵaı aldy. Degenmen, bir mınýttan keıin Marıo Gomes gollandııalyqtardyń qaqpasyna ekinshi dopty baǵyttaǵanda ol dármensiz boldy.

Ekinshi taımda Nıderlandy quramasynyń bas jattyqtyrýshysy Bert van Marveık alańǵa Rafael van der Vart pen Klas-ıAn Hýntelaardy jiberdi. Olar Ibragım Afellaı men Mark van Bommeldi almastyrdy. Biraq nemister taǵy bir qaýipti sátti týǵyzdy. 52-shi mınýtta qorǵaýshy Mats Hýmmels qaqpaǵa dopty eki ret kirgizbekshi boldy, biraq M.Stekelenbýrg óz komandasyn qutqara aldy.

72-nshi mınýtta alańnan Marıo Gomes ketip, nemister birden dopty jiberip aldy. Robın van Persı dopty qaptaldan qabyldap, ortaǵa ótip, on aıaǵymen jaqsy soqqy jasady. Dop nemistiń qaqpashysy H.Badshtýberdiń eki aıaǵynyń arasymen ótip, úlken jyldamdyqpen Germanııa quramasynyń qaqpasyna kirdi. Barynsha kúsh salǵandaryna qaramastan, gollandııalyqtar esepti teńestire almady.

Nátıjesinde Germanııa qatarynan ekinshi ret jeńiske jetti.

Búgin «S» tobyndaǵy ekinshi týrdyń oıyndary ótedi. Poznanda Italııa men Horvatııanyń kezdeýleri ótedi. Chempıonat Gdanskte jalǵasady, onda Ispanııa men Irlandııa quramalary oınaıtyn bolady.

 QazAqparat óziniń oqyrmandaryn Fýtboldan «Eýro-2012» Eýropa chempıonatynyń kúndelikti qorytyndylarymen aqparattandyrýdy jalǵastyrady.