Eýro-2012 qorytyndy shırek fınalynyń nátıjeleri: Anglııany penaltı serııasymen jeńgen Italııa quramasy jartylaı fınalǵa shyqty

Onda «D» tobynyń jeńimpazdary - Anglııa quramasy men «S» tobynda ekinshi oryn alǵan Italııa komandasy jarysty.

Komandalar negizgi jáne qosymsha ýaqyttarda birde-bir gol soǵa almady, sondyqtan, penaltı serııasy taǵaıyndaldy. Nátıjesinde, Anglııa komandasyn 4:2 esebimen jeńgen Italııa quramasy Eýropanyń fýtbol boıynsha chempıonatynyń jartylaı fınalyna joldama aldy.

Oıynnyń birinshi mınýttarynda komandalar qaýipti sáttermen almasty. Danıele De Rossıdiń shtangaǵa soqqysyna Roı Hodjsonnyń qamqorlyǵyndaǵylar Denıel Ýelbektiń soqqysymen jaýap berdi. Bul sátte óz qaqpasyn Djanlýıdjı Býffon qorǵap qaldy.

Djo Hartqa shamasy kelmegen Marıo Balotellı birneshe jaqsy sátterdi jiberip aldy. Óz kezeginde Anglııa quramasy Italııaǵa jyldam shabýyldarmen jaýap berdi. Birinshi taımda oıynnyń esebi ashylmady.

Oıynnyń ekinshi jartysynda komandalar shabýyldaryn uıymdastyrýdy jalǵastyrdy. 90 mınýt oıynnyń nátıjesinde oıynshylar esepti ózgerte almady. Jáne bul chempıonatta oıyn alǵash ret qosymsha ýaqytpen jalǵasty.

Ekstra-taımnyń birinshi 15 mınýtynda eń qaýipti sát Anglııa quramasynyń qaqpasy janynda týyndady. Alessandro Dıamantıdiń doby Djo Harttyń qaqpasynyń shtangasyna tıdi.

Qosymsha ýaqyttyń sońynda ıtalıandyqtar qaqpaǵa dopty kirgize aldy, biraq oıynnyń bas tóreshisi, portýgaldyq Pedrý Proensa ony ofsaıd úshin eseptegen joq. Qorytyndyda sońǵy joldamanyń ıegeri oıynnan keıingi penaltı toptamasynda anyqtaldy.

Chezare Prandellı tárbıelenýshileri penaltı barysynda 4:2 esebimen jeńiske jete aldy, sol arqyly sońǵy jartylaı fınalǵa shyǵýshylar ataldy. Endi olar shırek fınalda Grekııany 4:2 esebimen jeńgen Germanııa quramasyna qarsy oınaıdy. Jartylaı fınalda sondaı-aq, Ispanııa men Portýgalııa quramalary kezdesedi.

QazAqparat óz oqyrmandaryn fýtboldan «Eýro-2012» Eýropa chempıonatynyń nátıjelerimen aqparattandyrýdy jalǵastyrady.