«Eýro-2012» kezekti kúniniń qorytyndysy: ýkraındyqtardyń kóz jasy, esep - 0:2
ASTANA. 16 maýsym. QazAqparat - Keshe «Eýro-2012» fýtboldan Eýropa chempıonatynyń 7-shi kúninde «D» tobyndaǵy Ýkrına quramasy Donetskidegi «Donbass Arenada», ıaǵnı óz alańynda Frantsııa quramasyn qabyldady.
Oıynnyń nátıjesi 0:2 esebimen qonaqtar paıdasyna sheshildi.
Bastalǵan oıyndy aýa raıy buzdy. Shelektep quıǵan jaýyn fýtbol alańyn telegeı teńizge aınaldyrdy. Sondyqtan da tóreshiler araǵa 5 mınýt salyp oıyndy toqtatýǵa sheshim qabyldady. Chempıonattyń kezekti kezdesýi osylaısha keıinge shegerilýi múmkin degen de qaýip bolǵan edi. Alaıda 55 mınýttan keıin fýtbolshylar qaıtadan jasyl alańǵa bettedi.
Úzilisten keıingi shıyrshyq atqan frantsýzdyqtar 15-shi mınýtta Andreı Pıatov qaqpasyna alǵashqy doptaryn toǵytty. Degenmen fýtbolshynyń oıynnan tys qalǵanyn eskergen tóreshi atalǵan goldy esepke almady. Osydan keıin-aq oıynǵa jan bitip, eki quramada bir-birine gol soǵý múmkindikteri bolǵan edi. Biraq alǵashqy taım 0:0 esebimen aıaqtaldy.
Oıynnyń ekinshi bóligi de tartysty bastaldy. 53-shi mınýtta frantsýzdyq aıaq dop sheberi Mınez ýkraındyqtardyń osal tusyn taýyp, dop torda týlady. Araǵa 2 mınýt salyp Ioan Kabaıe esepti eseleı tústi.
Osylaısha ýraındyqtar óz alańynda frantsýzdyqtarǵa ese jiberdi. Al tabıǵattyń tylsym kúshi de ýkraındyqtardyń jeńiletinin sezip, quramaǵa dem berýge kelgen jankúılerlerdiń kóz jasyn oıyn bastalmaı jatyp-aq shelektep tókkendeı kórindi.
