«Eýro-2012» kezekti kúniniń qorytyndysy: Anglııa-Shvetsııa, esep - 3:2
ASTANA. 16 maýsym. QazAqparat - Keshe «Eýro-2012» fýtboldan Eýropa chempıonatynyń 7-shi kúninde «D» tobynda Angııa men Shvetsııa quramasy kezdesip, aǵylshyndyqtar 3:2 esebimen basym tústi.
Birsaryndy bastalǵan oıynda aǵylshyndyqtar basymdyqpen dopqa ıe bolǵanymen shved qaqpasyna aıtarlyqtaı qaýip tóndirgen joq. Degenmen de oıynnyń 23 mınýtynda aǵylshyn fýtbolshysy Endı Kerroll esep ashty. Osydan keıin-aq oıynǵa jan bitkendeı kóringenimen, birinshi taımnyń sońyna deıin eki quramaǵa da qaýipti sátter týyndaı qoımady.
Ekinshi taımda shvedtikter esepti teńestirýge múmkindik alyp, qaqpaǵa taqaý tustan aıyp dobyn soqty. Fýtbolshylardyń birine tıip keri qaıtqan dopty Olof Mellberg qaqpaǵa baǵyttady. Osy sátte dopty tosyp alyp, keri teppek bolǵan Glen Djonson bárin qurtty. Avtogol. Esep - 1:1. 59-shy mınýtta shvedtikter esepti eseleı tústi. Sebastıan Larsson bergen ádemi pasty tamasha paıdalanǵan Mellberg baspen dopty qaqpaǵa baǵyttaǵan edi. Araǵa 5 mınýt ýaqyt salyp, aǵylshyndar esepti teńestirdi. Al 78-shi mınýtta Denıel Ýelbek jeńis dobyn soqty.
Búgin «A» tobyndaǵy kezdesýler ótedi. Vrotslav qalasynda Chehıch men Polsha, al Varshavada Grekııa men Reseı quramalary jasyl alańǵa shyǵady.
