Eýro-2012 kezekti kúniniń qorytyndylary: Italııa men Horvatııa - 1:1, Ispanııa Irlandııany 4:0 esebimen basyp ozdy

Birinshi oıyn Poznandaǵy stadıonnyń alańynda ótti, munda Italııa men Horvatııa quramalary 1:1 esebimen oınady.

Birinshi taımdy eki komanda da belsendi ótkizdi, degenmen,  ıtalıandyqtardyń sheberligi basymyraq ekeni baıqaldy. 3-inshi mınýtta Marıo Balotellıdiń pasynan keıin Emanýele Djakkerını dopty qarsylastardyń qaqpasyna baǵyttady. Biraq ol sol jaq shtangany janaı ótti. Klaýdıo Markızıo esepti 11-inshi mınýtta ashýǵa jaqyn boldy, biraq dop qaqpadan joǵary ketti. Taǵy bes mınýttan keıin horvattardyń qaqpasyn jaýlap alý múmkindigin M.Balotellı ótkizip aldy - bul rette oǵan qaqpashy Stıpe Pletıkosa kedergi bola aldy.

Buǵan Horvatııa quramasy eki sátpen jaýap berdi - 20-synshy mınýtta qaýipti dop forvard Nıkıtsa Elavıchten keldi, 28-inshi mınýtta buryshtan oınatylǵan doppen soqqyny Ivan Perıshıch jasady, alaıda ıtalıandyq qaqpashy eki jaǵdaıda da óziniń sheberligin kórsete bildi.

Birinshi taımnyń sońynda tek Italııanyń quramasy shabýyldady. Sonyń nátıjesinde oıynnyń 39-ynshy mınýtynda M.Balotellıge ereje buzǵany úshin taǵaıyndalǵan aıyppul dobyn tepken Andrea Pırlonyń naqty soqqysynyń arqasynda esep ashyldy.

Ekinshi taımnyń basynda horvattyq Lýka Modrıchtiń erekshelenýge eki múmkindigi boldy, biraq birinshisinde onyń jolyna ıtalıandyq qaqpashy bóget bolsa, ekinshisinde horvattyq quramanyń pleımeıkeri dopty qaqpadan joǵary tepti. Degenmen, 72-nshi mınýtta horvattardyń forvardy Marıo Mandjýkıch dopty qarsylastardyń qaqpasyna sala aldy.

Oıynnyń sońynda eki qurama da birneshe upaıdan jınaı aldy, alaıda, salǵan kúshterine qaramastan, oıyndaǵy esep ózgermedi. Qorytyndy: 1:1.

Ekinshi oıyn Gdanskidegi stadıonda ótti, onda álem men Eýropanyń qazirgi chempıondary - Ispanııa Irlandııany oısyra utyp, oıyndy 4:0 esebimen aıaqtady. Osylaısha, Irlandııany shırek fınalǵa shyǵý múmkindiginen aıyrdy.

London «Chelsıiniń» forvardy Fernando Torres esepti 4-inshi mınýtta-aq ashty. Birinshi taım aıaqtalǵanǵa deıin birde-bir komanda erekshelene almady, al oıynnyń ekinshi bóliginiń basy ırlandyqtar úshin taǵy da sátsiz boldy.  «Manchester Sıtı»-diń jartylaı qorǵaýshysy Davıd Sılva 49-ynshy mınýtta erekshelendi. 70-inshi mınýtta F.Torres ekinshi márte gol soǵyp, esep aıyrmasyn ulǵaıtty. Al «Barselonanyń» jartylaı qorǵaýshysy Sesk Fabregas 83-inshi mınýtta matchtyń núktesin qoıyp, ırlandyqtardy qandaı da bir múmkindikten aıyrdy.

Aıta ketý kerek, Ispanııa quramasy «Eýro-2012»-de tórt upaı aıyrmamen jeńiske jetken - birinshi, bir matchta qarsylastardyń qaqpasyna tórt dop tıgizgen ekinshi komanda boldy.

Ispandyqtar eki matchtyń nátıjesi boıynsha tórt upaı alyp, horvattardyń komandasymen teńesti. Bul eki qurama toptyq raýndtyń qorytyndy matchynda kezdesetin bolady. Irlandyqtar Horvatııa komandasynan 1:3 esebimen jeńilgennen keıin jáne ıspandyqtarmen bolǵan oıyndaǵy sátsizdikterinen soń, shırek fınalǵa shyǵý múmkindikterinen aıyryldy. Olar «Eýro-2012»-ni ıtalıandyqtarmen bolatyn matchpen aıaqtaıtyn bolady.

Búgin «D» tobyndaǵy ekinshi týr matchtary ótedi. Kıevte Shvetsııa men Anglııa quramalarynyń arasyndaǵy kezdesý ótedi. Chempıonat Donetskide de jalǵasady, onda Ýkraına men Frantsııa komandalary oınaıdy.

QazAqparat óz oqyrmandaryn fýtboldan «Evro-2012» Eýropa chempıonatynyń kúndelikti nátıjelerimen aqparattandyrýdy jalǵastyrady.