«Eýro-2012»: Qazaqstan quramasy syrt alańda Avstrııamen oınaıdy
ASTANA. Qyrkúıektiń 6-sy. QazAqparat /Ernur Aqanbaı/ - Erteń fýtboldan Qazaqstan ulttyq quramasy «Eýro-2012» chempıonatynyń irikteý týrnıri aıasyndaǵy kezekti oıynyn syrt alańda Avstrııamen ótkizedi. Bul bizdiń komandanyń irikteý týrnırindegi ekinshi matchy.
Jerlesterimiz birinshi kezdesýin qyrkúıektiń 3-i kúni elordadaǵy «Astana-Arena» stadıonynda Túrkııa quramasymen ótkizip, 0:3 esebimen utylyp qalǵan bolatyn.
FIFA-nyń sońǵy jarııalaǵan reıtıngi boıynsha, Avtrııa quramasy 60-shy orynda tur, al Qazaqstan quramasy bolsa 125-shi satyda ornalasqan. Erteń, sondaı-aq bizdiń topta Germanııa-Ázerbaıjan jáne Túrkııa-Belgııa quramalary ózara sheberlik baıqasady. Aıta keteıik, 2012 jylǵy Eýropa chempıonatynyń irikteý týrnıri aıasynda bizdiń komanda bıyl Ońtústik Afrıka Respýblıkasynda ótken álem chempıonatynyń qola júldegeri Germanııamen, sondaı-aq Túrkııa, Belgııa, Avstrııa jáne Ázirbaıjan komandalarymen birge «A» tobynda synǵa túsýde.
