«Eýro-2012»: Qazaqstan quramasy irikteý týrnırindegi betashar oıynyn Túrkııamen ótkizedi
>páterinde Qazaqstan, Germanııa, Túrkııa, Belgııa, Avstrııa jáne Ázirbaıjan fýtbol federatsııalarynyń ókilderi 2012 jylǵy Eýropa chempıonaty irikteý týrnıriniń «A» tobyndaǵy matchtarynyń kúntizbesin kelisti.
Oǵan sáıkes, Qazaqstan ulttyq quramasy «Eýro-2012» týrnıriniń irikteý týrnırindegi betashar oıynyn óz alańynda 2010 jylǵy qyrkúıektiń 3-de Túrkııamen ótkizedi, dep habarlaıdy QazAqparat.
Qazaqstan Fýtbol federatsııasynyń málimetinshe, kúntizbege sáıkes Qazaqstan quramasy qyrkúıektiń 7-de syrt alańda Avstrııamen oınasa, qazannyń 8-de Belgııany, al qazannyń 12-de Germanııany qabyldaıdy.
Jerlesterimiz irikteý týrnırindegi qalǵan matchtaryn 2011 jyly ótkizedi. Aıtalyq, 2011 jylǵy naýryzdyń 25-de syrt alańda Germanııamen kezdesedi, maýsymnyń 3-de Ázirbaıjandy qabyldaıdy. Bizdiń komanda keler jyldyń qyrkúıek aıynda eki birdeı oıyn ótkizedi. Qyrkúıektiń 2-de syrt alańda Túrkııaǵa qonaqqa barsa, qyrkúıektiń 6-da Ázirbaıjandy qabyldaıdy. Al, qazannyń 7-de Brıýsselde Belgııamen sheberlik baıqasady. Qazaqstan quramasy irikteý týrnırindegi sońǵy kezdesýin 2011 jylǵy qazannyń 11-de óz alańynda ótkizedi. Qarsylasymyz - Avstrııa quramasy.
Aıta keteıik, «A» tobynda Eýropa chempıonatyna beriletin joldamany Qazaqstan, Germanııa, Túrkııa, Belgııa, Avstrııa jáne Ázirbaıjan quramalary sarapqa salatyn bolady.
