«Eýro-2012»: Qazaqstan-Germanııa 0:4
ANA. 28 naýryz. QazAqparat /Marlan Jıembaı/ - Fýtboldan Qazaqstan ulttyq quramasy «Eýro-2012» chempıonatynyń irikteý týrnıri aıasyndaǵy kezekti oıynyn 26 naýryz kúni syrt alańda Germanııa quramasymen ótkizip, 0:4 esebimen utylyp qaldy.
Bul cheh mamany Mıroslav Beranek tizginin ustaǵannan keıingi bizdiń komandanyń «Eýro-2012» chempıonatynyń irikteý týrnıri aıasyndaǵy alǵashqy, al jalpylama alǵanda besinshi oıyny boldy. Qazaqstan fýtbol federatsııasynyń málimetinshe, nemis fýtbolshylary matchtyń birinshi taımynda jerlesterimizdiń qaqpasyna jaýapsyz úsh dop, al ekinshi kezeńde bir dop soqty. Goldyń avtorlary - Kloze (3-shi mınýt, 88-shi mınýt) men Mıýller (25-shi mınýt, 43-shi mınýt).
Osylaısha, Qazaqstan quramasy «Eýro-2012» chempıonatynyń irikteý týrnıri aıasynda qatarynan bes matchta jeńilip qaldy. Tıisinshi birde-bir upaısyz «A» tobynda sońǵy orynda keledi. Buǵan deıin bizdiń komanda óz alańynda Túrkııaǵa 0:3, Belgııaǵa 0:2, Germanııaǵa 0:3 esebimen ese jiberse, syrt alańda Avstrııadan 0:2 esebimen jeńilip qalǵan bolatyn.
Aıta keteıik, "Eýro-2012" chempıonatynyń irikteý týrnıri aıasynda bizdiń komanda Germanııa, Túrkııa Avstrııa , Belgııa jáne Ázirbaıjan quramalarymen birge «A» tobynda oınaýda.
Bizdiń komanda kelesi matchyn 3 maýsym kúni óz alańynda Ázirbaıjan quramasymen ótkizedi.
