Eýro-2012: Qazaqstan fýtbol quramasy Avstrııamen teń oınady
TANA. 12 qazan. QazAqparat /Jasulan Amanbaıuly/ - Qazaqstan fýtbol quramasy keshe Astanada Eýro-2012 irikteý kezeńi aıasynda Avstrııamen oınap, 0:0 esebimen teń tústi.
Bunyń aldynda Brıýsselde ótken kezdesýge qaraǵanda, Qazaqstannyń fýtbol quramasy bul jolǵy matchta alǵashqy mınýttardan-aq áldeqaıda shıraq kórindi. Qarsylastar qaqpasyna jıi lap qoıyp, qorǵaýshylardy ábden sastyrdy. Avstrııalyq aıaqdopshylar da qarap qalǵan joq. Olar óz kezeginde qarsy shabýyldarǵa shyǵyp otyrdy. Degenmen Dag, Alaba jáne Arnaýtovıch syndy aldyńǵy sheptegi fýtbolshylarǵa dáldik jetispeı jatty. Qaqpashy Sıdelnıkov te erekshe sheberlikpen kózge túsip, jergilikti jankúıerlerdiń jigerine qum quıylýǵa jol bermedi.
Qazaqstandyqtardyń tarapynan Shmıdtgal, Ostapenko men Grıdın belsendilik tanytyp, qarsylastardyń qaqpashysyn jıi mazalap otyrdy. Ásirese ekinshi taımda Grıdınge birneshe jaqsy múmkindikter týdy, alaıda Sergeı olardyń barlyǵynda da múlt ketti.
Oıyn barysynda Avstrııa quramasynyń qaqpasyna birde-bir dopty týlata almasa da, qazaqstandyq oıynshylar kezdesý sońyna deıin avstrııalyqtarǵa tegeýrindi qarsylyq kórsetkendigin atap ótýge bolady.
