«Eýro-2012»: Erteń Qazaqstan quramasy Túrkııamen oınaıdy
ASTANA. Qyrkúıektiń 2-si. QazAqparat /Ernur Aqanbaı/ - Erteń fýtboldan Qazaqstan ulttyq quramasy «Eýro-2012» chempıonatynyń irikteý týrnıri aıasyndaǵy jarysyn bastaıdy. Bizdiń komanda elordadaǵy «Astana-Arena» stadıonynda Túrkııa quramasyn qabyldaıdy.
FIFA-nyń sońǵy jarııalaǵan reıtıngi boıynsha, Túrkııa quramasy 28-shi orynda, al Qazaqstan quramasy bolsa 125-shi satyda tur. Aıta keteıik, 2012 jylǵy Eýropa chempıonatynyń irikteý týrnıri aıasynda bizdiń komanda bıyl Ońtústik Afrıka Respýblıkasynda ótken álem chempıonatynyń qola júldegeri Germanııamen, sondaı-aq Túrkııa, Belgııa, Avstrııa jáne Ázirbaıjan komandalarymen birge «A» tobynda synǵa túsedi.
