Eýro-2012 ekinshi jartylaı fınalynyń nátıjeleri: Italııa quramasy Germanııany 2:1 esebimen jeńdi

Alańda Germanııa men Italııanyń quramalary kezdesip, ıtalıandyqtar kútpegen jaǵdaıda Marıo Balotellıdiń dýbilinen keıin, jeńiske ádemi jetti.

Birinshi taımnyń alǵashqy mınýttarynda nemister basymdyqty Italııanyń quramasyna berdi. Biraq birshama ýaqyttan keıin qarqyn ala bastady. Djanlýıdjı Býffonnyń qateliginen keıin matchtyń birinshi buryshtamasyn oınatqan Germanııa quramasynda oıynnyń esebin ashýǵa múmkindik boldy. Biraq dopty qaqpa syzyǵynan Andrea Pırlo alyp shyqty. Bul shabýyldan keıin Germanııa quramasy taǵy eki qaýipti sátti týdyrdy, biraq ol sátterdi nemister júzege asyra almady.

Odan ári basymdyqty ıtalıandyqtar qolǵa aldy, bul óz kezeginde olarǵa oıynnyń 20-synshy mınýtynda óz nátıjelerin alyp keldi. Sol jaq qaptaldan berilgen Antonıo Kassanonyń dopynan keıin ıtalıandyq shabýyldaýshy Marıo Balotellı matchtaǵy alǵashqy dobyn basymen soqty.

36-nshy mınýtta Rıkkardo Montolıvonyń naqty pasynan keıin M.Balotellı qaıta erekshelendi. Manýelıa Noıeranyń qaqpasyna baǵyttaǵan doby dóp túsip, nátıjesinde birinshi taım 2:0 esebimen aıaqtaldy.

Kezdesýdiń ekinshi bóliginiń basynda nemis quramasynyń bas bapkeri Ioahım Lev birden eki oıynshyny aýystyrdy: Marko Roıs Lýkasa Podolskıdiń ornyna, al Mıroslav Kloze Marıo Gomestiń ornyna shyqty.

Ekinshi taımnyń alǵashqy mınýttarynda-aq nemisterge bir doptyń esesin qaıtarýǵa múmkindik boldy. Biraq Fılıpp Lam qaqpaǵa dál tıgize almady. Italıandyqtar jaýap retinde kúshti shabýyldar jasady, jáne olardyń birinde Marıo Balotellı óziniń úshinshi dobyn soǵa aldy, biraq ol qaqpanyń syrtymen ótti.

60-ynshy mınýtta Leonardo Bonýchchı sary kartochka alǵannan keıin, nemisterde esep alshaqtyǵyn azaıtýǵa múmkindik boldy. Marko Roıs aıyp dobyn kúshti ári dáldikpen soqty, biraq Djanlýıdjı Býffon dopty qolymen qaǵyp túsire aldy.

Oıynnyń 75-inshi mınýtynda Klaýdıo Markızıo Holger Badshtýberdi aınalyp ótip, dopty M.Noıerdiń qaqpasyna baǵyttady, biraq dóp túse almady. 79-ynshy mınýtta ıtalıandyqtar jaqsy kontrshabýyl jasaı aldy, alaıda  Alessandro Dıamantı varshavalyq taıǵanaq gazonda tura almaı, sátti jiberip aldy. 82-nshi mınýtta nemis qaqpashysyna qarsy shyǵyp, biraq qaqpaǵa dopty kirgize almaǵan ıtalıandyq shabýylshy Antonıo Dı Natale esepti odan ári kóbeıte almady.

Qosylǵan ýaqytta, oıynnyń 91-inshi mınýtynda ıtalıandyq qorǵaýshy  Frederıko Baltserettıdiń bergen aıyp dobyn jartylaı qorǵaýshy Mesýt Ozıl tabysty iske asyra aldy. Biraq kezdesýdiń aıaǵyna deıin, alańnyń ıtalıandyq jaǵyndaǵy oıynǵa nemis qaqpashysynyń qosylýyna qaramastan I.Levtiń qamqorlyǵyndaǵylar esepti teńestire almady.

Nátıjesinde ıtalıandyqtar 2:1 esebimen kútpegen jerden tamasha oıyn kórsetti. Italııa quramasy 1 shilde kúni Kıevte Eýropanyń qazirgi chempıondary - Ispanııa komandasymen oınaıtyn bolady.

QazAqparat óz oqyrmandaryn «Eýro-2012» fýtbol boıynsha Eýropa chempıonatyndaǵy oıyndardyń nátıjeleri týraly aqparattandyrýdy jalǵastyrady.