«Eýro-2012» ekinshi kún qorytyndysy: Gollandııa - Danııa - 0:1, Germanııa - Portýgalııa - 1:0
ASTANA. 10 maýsym. QazAqparat - Fýtboldan «Eýro-2012» Eýropa chempıonatynyń ekinshi kúni Ýkraınada bastalyp, Harkov pen Lvov jasyl alańdarynda "V" tobyndaǵy Gollandııa ı Danııa, Germanııa men Portýgalııa quramalary oınady.
Ekinshi kúnniń birinshi oıyny Harkovtiń «Metallıst» stadıonynda ótip, onda Gollandııa quramasy Danııaǵa 0:1 esebimen ese jiberdi. Oıynnyń alǵashqy mınýttarynan aq gollandııalyqtar jasyl alańda jasyndaı jarqyldap birneshe márte gol soǵýǵa múmkindikteri bolǵan edi. Alaıda olar óz múmkinshilikterin jiberip aldy. Jan alyp, jan berisken oıynnyń 24-shi mınýtynda danııalyq shabýylshy Mıkael Kron-Delı gollandyq úsh qorǵaýshyny aldap ótip, doty qaqpaǵa baǵyttady. Qaqpashynyń aıaǵynyń arasynan ótken dop torda týlady.
Ekinshi taımda da barynsha belsendilik tanytqan gollandyqtar taǵy da birneshe utymdy sátti paıdalana almady. Esepti Gollandııa quramasynyń kapıtany Mark van Bommela teńestirip, Ibragım Affella eseleýge múmkindigi bolǵanymen oıyn órnegine esh ózgeris engizilmedi. Danııalyqtardyń da qarymta shabýyldar kezinde esepti arttyrýǵa mol múmkindikteri boldy. Biraq oıynnyń ekinshi bóliginde esep ashylmady.
Ekinshi oıyn "Lvov" arenasynda Germanııa men Portýgalııa arasynda ótip, "nemis mashınasy" óziniń myqtylyǵyn dáleldedi, esep - 1:0. Birinshi taım tartysty ótti. Al oıynnyń ekinshi bóliginde eki qurama da bir birine alma kezek shabýyl jasaǵanymen komandalar qatelikke boı aldyrmaýǵa tyrysty. Tek 72-shi mınýtta Germanııa quramasynyń shabýylshysy Tomas Mıýllerden tamasha pas alǵan Marıo Gomes qarsylas qaqpasyna dop soqty.
Al búgin "S" tobynyń birinshi týri ótedi. Gdansk qalasynda Ispanııa men Italııa quramalary baq synaıdy. Al Poznan jasyl alańynda Irlandııa men Horvatııa quramalary kezdesedi.
