Eýro-2012 dodasyna 500 kún qaldy: Eýroparlamentte Ýkraınanyń fýtboldan Eýropa chempıonatyna ázirliginiń tanystyrylymy ótti

Ýkraınanyń otbasy, jastar jáne sport isteri jónindegi mınıstri Ravıl Safıýllın atap kórsetkendeı, «chempıonatqa 500 kún qaldy. Bul - Ýkraınanyń óz strategııasyn naqtylap, áli atqarylatyn qandaı jumystar qalǵanyn zerdeleıtin meje».

Ýkraına mınıstriniń aıtýynsha, 2010 jyl Ýkraına úshin «ekpindi jyl» boldy. «Biz kesteden keıin qalyp qoıdyq, degenmen ótken jyldyń jazynda atqarylǵan jumystardyń barysynda biraz ilgeri jyljydyq. Bizdiń elimiz, halqymyz ben jańa úkimetimiz Eýro-2012 chempıonatynyń Ýkraınada ótý máselesi naqty sheshilý úshin qoldan kelgenniń bárin jasaıtyn bolady», - dedi R.Safıýllın.

Sheneýniktiń aıtýynsha, 2010 jyly chempıonatty qabyldaýshy qalalardyń áýejaılarynda birneshe termınal iske qosylǵan. Chempıonat matchtary boıynsha Polshamen jerebe ótkizilgen. «Aǵymdaǵy jyldyń tamyz aıynan bastap jyldyń sońyna deıin barlyq negizgi nysandar paıdalanýǵa berile bastaıdy. Olar - 2 stadıon, 4 áýejaı, ondaǵan qonaqúı. Birqatar jol jobalary da júzege asyrylady. Chempıonatty qabyldaıtyn qalalardyń temirjol vokzaldarynda da qaıta jańartý jumystary júrgiziledi», - dep atap kórsetti R.Safıýllın.

Tanystyrylymdy túıindegen Ýkraınanyń otbasy, jastar jáne sport isteri jónindegi mınıstri eki eldiń de chempıonatty laıyqty deńgeıde ótkizetinin málim etti. «Barshańyzdy Polsha men Ýkraınaǵa shaqyramyz. Sizderdi nebir qyzyqtar kútip tur!» - dedi ýkraın sheneýnigi.