«Eýro-2012» chempıonatynyń shırek fınalynyń nátıjeleri: Frantsııany 2:0 esebimen utqan Ispanııa jartylaı fınalda Portýgalııamen kezdesedi
BRıÝSSELЬ. 24 maýsym. QazAqparat -Donetskide fýtboldan «Eýro-2012» Eýropa chempıonatynyń úshinshi shırek fınaldyq oıyny ótti.
Bul kezdesýde «S» tobynyń jeńimpazy - Ispanııa quramasy men «D» tobynda ekinshi oryn alǵan Frantsııa quramasymen kezdesti.
Qazirgi Eýropa chempıony - ıspandyqtar 2.0 esebimen basym tústi. Sóıtip olar jartylaı fınalǵa shyqty.
Birinshi taımda dopqa kóbinese ıspandyqtar ıelik etti, degenmen frantsýzdar da aýyq-aýyq qarsy shabýylǵa shyǵyp otyrdy. 19 mınýtta Jordı Albıdiń sol jaq qanattan áýelete bergen dobyn Habı Alonso baspen qaqpaǵa dál baǵyttady -1.0. Bul esep birinshi taımnyń sońyna deıin ózgergen joq.
Al ekinshi taımda frantsýzdar shabýyldy birshama shıratty. 60 mınýtta Mate Debıýshıdiń esepti teńestirýge múmkindigi de boldy. Ol sol jaq qanattan dopty qaqpaǵa baǵyttaǵan bolatyn, biraq ol joǵary ketti. Sesk Fabregas ta ońtaıly sátti jiberip aldy.
Oıyn aıaqtalýǵa nebári sanaýly ýaqyt qalǵanda frantsýz oıynshysy ıspandyq shabýylshy Pedroǵa qarsy oıyn erejesin buzdy. 11 metrlik aıyp dobyn H.Alonso qaqpaǵa qaqyrata soqty. Esep -2.0.
Endi fınal úshin Ispanııa Portýgalımen baq talastyrady. Al Germanııa Italııa men Anglııa quramalarynyń jeńgenimen kezdesetin bolady.
Búgin Kıevte Anglııa men Italııa komandalary arasynda sońǵy shırek fınaldyq oıyn ótedi.
QazAqparat óz oqyrmandaryn fýtboldan «Eýro-2012» Eýropa chempıonatynyń qorytyndylary týraly kúndelikti aqparattandyryp otyrady.
