Eýro-2012 chempıonatynyń shırek fınaly: Portýgalııa Chehııany 1:0 esebimen jeńip, jartylaı fınalǵa shyqty
BRıÝSSELЬ. 22 maýsym. QazAqparat - "Eýro-2012" fýtboldan Eýropa chempıonatynyń kezekti kúnindegi oıyndar Varshavada ótip, «A» tobyndaǵy jeńimpaz - Chehııa men «V» tobynda ekinshi orynǵa ıe bolǵan Portýgalııa quramalary jasyl alańda kezdesti.
Portýgaldyqtar 1:0 esebimen Chehııany jeńip, Eýropa chempıonatynyń jartylaı fınalyna ótti.
Birinshi taımda chehtar, barynsha tyrysqandarymen Portýgalııanyń qurama komandasy basymdyq tanytty.
Taımnyń ortasynda Krıshtıaný Ronaldý Petr Chehpen betpe-bet keldi. Alaıda Chehııa qaqpashysy óziniń qaqpasyn qorǵap qaldy, degenmen keıinirek tártiptiń buzylǵandyǵy anyqtaldy. Úziliske deıin K. Ronaldýdyń esep ashýǵa múmkindigi bolǵanymen, Mıhaıl Bılek ábjildik tanytyp, dopty qaǵyp áketti. Nátıjesinde birinshi taımda esep ashylmady.
Oıynnyń ekinshi bóliginiń basynda portýgaldyqtar dopqa ıelik etýge kóshti. Portýgalııa qurama komandasynyń kapıtany gol soǵýdyń az-aq aldynda turǵanymen, esh nátıje bolmady. Chehııanyń qurama komandasy baıaý oınap, keı kezderde shabýyl jasaǵanymen, olar sátsiz aıaqtalyp jatty.
Oıynnyń aıaqtalýyna 10 mınýt qalǵanda áıgili fýtbolshy Krıshtıaný Ronaldý «Eýro-2012» chempıonatyndaǵy 3-shi golyn soqty. Ol bombardırler jarysynda Dzagoev, Mandjýkıch jáne Gomespen qatar kele jatqan oıynshy. Jýan Moýtınıý baǵyttaǵan dopty K. Ronaldý chehtardyń qaqpasyna dál kirgizdi.
Oıynnyń 80-shi mınýtynda bolǵan goldyń arqasynda, portýgaldyqtar jartylaı fınalǵa shyqty. Olardyń qarsylastary Frantsııa men Ispanııa matchynan keıin belgili bolady.
23 maýsymda ekinshi shırek fınal matchynda Germanııa men Gretsııa komandalary kezdesedi.
