Eýro-2012 chempıonatynyń kezekti kúniniń qorytyndysy: Ýkraına-Anglııa - 0:1, Frantsııa-Shvetsııa - 0:2
BRıÝSSELЬ. 20 maýsym. QazAqparat - "Eýro-2012" fýtboldan Eýropa chempıonatynyń kezekti kúnindegi oıyndar Donetsk pen Kıevtiń stadıondarynda ótip, " D" tobyndaǵy úshinshi týrda Anglııa men Ýkraına, sondaı-aq Shvetsııa men Frantsııanyń quramalary jasyl alańda kezdesti.
Anglııa men Frantsııanyń qurama komandalary «Eýro-2012» chempıonatynyń shırek fınalyna shyqqan sońǵy úmitkerler boldy, frantsýzdardyń jeńilis tapqanyna qaramastan «D» tobynda olar alǵashqy eki oryndy enshiledi.
Kezdesýdiń birinshi mınýttarynda dopqa ýkraındyqtar ıelik etti, aǵylshyndar matchtyń basynda baıaý oınady. Osy ýaqytta qatarlasa ótip jatqan match ta solǵyndaý boldy.
Taımnyń ortasynda sheber oınaǵan Ý. Rýnı gol soǵýdyń az-aq aldynda turdy. Ol keıbir sátterde qatelikke boı aldyryp, qaqpaǵa dopty dál baǵyttaı almady. Birneshe mınýttardan keıin ýkraındyqtardyń esepti ashý múmkindigi bolǵanymen, Andreı ıArmolenko Djo Harttyń aldyn orap ketti. Eki matchtyń de birinshi taımdary 0:0 esebimen aıaqtaldy.
Ekinshi taımnyń ortasynda aǵylshyndar Andreı Pıatovtyń qaqpasyn «jaýlap» aldy. 48-shi mınýtta Rýnı basymen dopty qaqpaǵa dál kirgizdi. Oıynnyń 54-shi mınýtynda Shvetsııa men Frantsııanyń da esepteri ózgerdi. Zlatan Ibragımovıch frantsýz qurama komandasanyń qaqpasyna gol soqty.
62-shi mınýtta ýkraındyqtar esepti teńestirýge múmkindik alǵanymen, esh nátıje bolmady. Oıynnyń qorytyndysynda esep ózgermedi. Al shvedter frantsýzdardan basyp ozyp, ekinshi gol soqty. Goldyń avtory -Sebastıan Larson.
Osylaısha, Anglııa 7 upaı, Frantsııa - 4, Ýkraına - 3, Shvetsııa 3 upaı jınady.
Sonymen Eýro-2012 chempıonatynyń shırek fınalyna qatysatyn barlyq komandalar belgili boldy.
