Eýro-2012 chempıonatynyń ekinshi shırek fınalyndaǵy nátıjeler: Germanııa Grekııany 4:2 esebimen utyp, jartylaı fınalǵa shyqty
BRıÝSSELЬ. 23 maýsym. QazAqparat - Gdansk qalasynda fýtboldan Eýropa chempıonatynyń ekinshi shırek fınalynda «V» tobynyń jeńimpazy Germanııa men «A» tobynda ekinshi oryn alǵan Grekııa quramalary arasyndaǵy oıyn birshama tartysty ótti.
Nemister grekterdi 4:2 esebimen oısyrata utyp, Eýropa chempıonatynyń jartylaı fınalynda óner kórsetetin ekinshi qurama atandy.
Birinshi taımda, aldyn ala boljamdar boıynsha, oıyn tizginin Germanııa quramasy óz qolyna aldy. Tipti 6 mınýtta-aq jartylaı qorǵaýshy Andre Shıýrrle qarsylastar qaqpasyna bir dop toǵytyp úlgerdi, alaıda ony tóreshi ofsaıd úshin esepke almady. Onyń ústine dál osy epızodta Grekııa qaqpashy Mıhaıl Sıfakıs jaraqat alyp, oıyn boıy osy keleńsizdik te óziniń keri áserin tıgizdi.
37-mınýtta Bastıan Shvaınshtaıger aıyp alańynyń syrtynan tepken dopty M. Sıfakıs keri qaıtara aldy, alaıda nemis quramasynyń oıynshylary qaıtara soqqy jasaýǵa úlgermedi.
Degenmen, nemister oıynnyń 39-mınýtynda osy oıyndaǵy alǵashqy doptaryn saldy. Komanda kapıtany Fılıpp Lam aıyp alańynda dopty qaǵyp alyp, qaqpanyń alys buryshyna qaraı qatty soqty. Esep 1:0.
Ekinshi taımda Grekııa esepti teńestirdi. 55-mınýtta Georgıos Samaras Germanııa qaqpasynan sańylaý tapty. Esep 1:1.
Degenmen 61 mınýtta nemister shabýylyn údetip, Jerom Boateng aıyp alańyna asyrǵan dopty barlyǵynan bıikke sekirgen Samı Hedıra basymen qaqpaǵa týra baǵyttaı aldy, sóıtip esep 2:1 boldy.
Shamamen 6 mınýttan soń Germanııa quramasy taǵy bir joıqyn shabýyl uıymdastyryp, esepti eseleı tústi. Bul joly Mıroslav Kloze kózge tústi, esep 3:1.
Al 75 mınýtta eseptegi ara qashyqtyq odan saıyn alshaqtaı tústi. Taǵy da M. Kloze qaqpashymen betpe-bet kezdesip, shirene tepken doby M. Sıfakıske tıip keri ushty. Sol kezde jetken Marko Roıs aıaǵynyń ushymen grekterdiń qaqpasynyń toryn taǵy da búlk etkizdi.
90-mınýtta J. Boateng óz aıyp alańynda qolymen oınap ketkeni úshin tóreshi Germanııa qaqpasyna penaltı belgiledi. Dımıtrıs Salpıngıdıs qaqpashyny ońaı aldap, dopty qaqpaǵa týralaı aldy - 4:2.
Búgin Donetsk qalasynda Ispanııa men Frantsııa quramalary kezdesedi.
QazAqparat óz oqyrmandaryn fýtboldan «Eýro-2012» Eýropa chempıonatynyń qorytyndylary týraly kúndelikti aqparattandyryp otyrady.
