Eýro-2012 birinshi jartylaı fınalynyń qorytyndylary: Portýgalııany 4:2 esebimen jeńgen Ispanııa quramasy fınalǵa shyqty
BRıÝSSELЬ. 28 maýsym. QazAqparat - Donetsk qalasynyń «Donbass Arena» stadıonynda fýtboldan «Eýro-2012» Eýropa chempıonatynyń jartylaı fınalynyń birinshi oıyny ótti.
Munda Portýgalııa quramasy men Eýropanyń qazirgi chempıony - Ispanııa komandasy kezdesti.
Komandalar negizgi jáne qosymsha ýaqytta da birde-bir gol soǵa almady. Sol sebepti penaltı serııasy taǵaıyndaldy. Onyń nátıjesi boıynsha Portýgalııany 4:2 esebimen jeńgen Ispanııa quramasy Eýropanyń fýtbol boıynsha chempıonatynyń fınalyna shyqty.
Jarystyń basynda basymdyq Rýı Patrısıýdiń qaqpasyn alý úshin birneshe jaqsy sátterdi jiberip alǵan ıspandyqtarda boldy. Portýgaldyqtar birinshi taımnyń ortasyna qaraı belsendirek boldy.
Ekinshi taımnyń alǵashqy mınýttarynda portýgaldyqtar basymdyqqa ıe bolǵanymen, qaqpaǵa dopty kirgize almady. Negizgi ýaqyttyń sońǵy mınýttarynda Portýgalııa quramasy Ispanııaǵa kontrshabýyl jasady, biraq Krıshtıaný Ronaldý naqty bola almady. Nátıjesinde negizgi ýaqytta eki komanda da dop kirgize almady.
Qosymsha berilgen ýaqytta Ispanııa gol soǵýǵa jaqynyraq boldy, komanda Portýgalııany qaqpaǵa qaraı yǵystyryp otyrdy, biraq portýgaldyqtardyń qorǵanysynan ótkenimen, Rýı Patrısıý ádemi oıyn kórsetti. Eki ekstra taım jeńimpazdy anyqtaı almady jáne fınalǵa joldamanyń ıesi penaltı toptamasynda belgilendi.
Jerebe boıynsha dopty birinshi bolyp ıspandyqtar soqty. Habı Alonsonyń soqqysyna Rýı Patrısıý tótep bere aldy. Jýan Moýtınıýdiń soqqysynan keıin óz qaqpasyn qutqaryp qalǵan Iker Kasılıas te erekshelendi. Andres Inesta, Pepe, Herard Pıke jáne Nanı óz soqqylaryn tamasha aıaqtady. Serhıo Ramos Rýı Patrısıýden óte alsa, Brýný Alveshtiń doby týrnıkke tıdi. Fınalǵa shyǵatyn komandanyń taǵdyryn sheshýge Sesk Fabregas pen Rýı Patrısıý shyqty. Fabregas Patrısıýdi aınalyp óte aldy, nátıjesinde Ispanııaǵa joldama alyp berdi.
Nátıjesinde Ispanııa quramasy Eýropanyń qazirgi chempıony ataǵyn qorǵaýdy jalǵastyryp, búgin Germanııa men Italııa arasyndaǵy oıynda anyqtalatyn ekinshi fınalshyny kútedi.
QazAqparat óz oqyrmandaryn fýtboldan «Eýro-2012» Eýropa chempıonatynyń oıyndary týraly aqparattandyrýdy jalǵastyrady.
