«Eýro-2012» birinshi kúniniń qorytyndysy: Polsha-Grekııa - 1:1, Reseı - Chehııa - 4:1
BRıÝSSELЬ. 9 maýsym. QazAqparat - Keshe Varshavanyń «Ulttyq» stadıonynda fýtboldan «Eýro-2012» Eýropa chempıonatynyń ashylý rásimi ótti.
Oǵan álemniń 60-tan astam elinen 800-den artyq eriktiler qatysty. Stadıonǵa tek 50 myńǵa jýyq adam syıdy. Rásimdi tikeleı efır arqyly búkil álem boıynsha 150 mıllıonǵa jýyq kórermen tamashalady.
Shoýda jergilikti dástúrler men ınnovatsııalyq tehnologııalarǵa erekshe nazar aýdaryla otyryp, sport pen mádenıetti biriktirýge talpynys jasaldy. Vengrııalyq pıanıst Adam Dord Shopenniń lıa mınor etıýdyn oryndady. Mýzykant sondaı-aq fýtbol dobymen jasaı alatyn mashyqtaryn kórsetip ótti.
Budan keıin Polsha men Grekııa quramalary arasynda birinshi match ótti, olar «A» tobynyń birinshi týrynda esepti 1:1-men aıaqtady.
Oıynnyń birinshi golynyń avtory - 17-nshi mınýtta esepti ashqan Polsha quramasynyń shabýylshysy Robert Levandovskıı boldy. Al oıyn alańynan birinshi bolyp grekııalyq Sokratıs Papastopolýs shyǵaryldy, oǵan bas tóreshi ekinshi eskertý úshin 44-inshi mınýtta qyzyl kartochkany kórsetti.
51-inshi mınýtta grekııalyq oıynshy Dımıtrıos Salpıngıdıs esepti teńestirdi. 71-inshi mınýtta Polshanyń qaqpashysy Voıtseh Şesnyı óziniń aıyppuldyq alańynda erejeni buzǵany úshin oıynnan shettetilgen soń, grek oıynshylary alǵa shyqty. Biraq Georgıos Karagýnıs dopty 11 metrden qaqpaǵa engize almady - Voıtseh Şesnyıdyń ornyna shyqqan qaqpashy Pjemyslav Tyton oǵan tótep bere aldy.
Ekinshi oıyn Vrotslavtaǵy stadıonynda Reseı jáne Chehııa quramalarynyń arasynda ótti. Bul oıynnyń nátıjesinde reseılik komanda 4:1 esebimen jeńiske jetti.
Birinshi taımda reseılikter chehııalyq quramanyń qaqpasyna eki gol kirgizdi. 15-inshi mınýtta esepti dopty torǵa uryp, shtangadan sekirip ketken Alan Dzagoev ashty. Oıynnyń 24-inshi mınýtynda kezdesýdegi ekinshi goldy Roman Shırokov kirgizdi.
Ekinshi taımdaǵy 52-nshi mınýtta oıynshy Vatslav Pılarj esep arasyndaǵy alshaqtyqty qysqartty. Alaıda 82-nshi mınýtta reseılikter Roman Pavlıýchenkonyń olardyń qaqpasyna tórtinshi goldy kirgizgen soń Chehııa quramasyna jeńiske jetýge eshqandaı múmkindik qalmady.
Búgin «V» tobynyń birinshi týrynyń oıyndary ótedi. Harkov qalasynda Gollandııa jáne Danııa quramalary kezdesedi. Chempıonat Lvovtaǵy oıynmen jalǵasady, onda Germanııa jáne Portýgalııa quramalary kezdespek.
QazAqparat óziniń oqyrmandaryn «Eýro-2012» boıynsha Eýropa chempıonatynyń kúndelikti qorytyndylary týraly aqparattandyrýdy jalǵastyrady.
