Eýro-2012 besinshi kúniniń qorytyndysy: Grekııa - Chehııa - 1:2, Polsha - Reseı - 1:1

Birinshi oıyn Vrotslavtaǵy stadıon alańynda ótti. Onda Chehııa quramasy Grekııa komandasyn 2:1 esebimen jeńdi. Oıyn sensatsııadan bastaldy: oıynnyń birinshi mınýttarynda Chehııa birinen soń biri eki dop kirgizdi. Osylaısha, 3-inshi mınýtta Petr Iırachek, grekterdiń qaqpashysyna qarsy shyǵyp, Tomash Hıýbshmannyń tamasha pasynan keıin esepti ashty. Taǵy úsh mınýt ótken soń aıyp alańynan dopty soqqan Teodor Gebre Selassı Vatslav Pılarjǵa erekshelenýge múmkindik berdi. Ol grekterdiń basymdyǵyn 2:0 esebine deıin jetkizdi. Bul rette 1960 jyldan beri ótkizilip otyrǵan Eýropa chempıonattarynyń birde-bir komandasy eki oıynda osyndaı basymdyqqa tez ıelene almaǵan edi.

Biraq grekterdiń jaısyzdyqtary onymen aıaqtalǵan joq. Birinshi taımnyń ortasynda Grekııanyń qaqpashysy Konstas Halkıas jaraqat alǵan soń, ol Mıhaıl Sıfakımen almastyryldy. Grekııa quramasy úziliske deıin taǵy bir goldy kirgize aldy. Biraq ony oıynnyń bas tóreshisi Stefan Lannýamen «oıynnan tys» bolǵany úshin eseptemedi.

Grekııalyqtar degenderine ekinshi taımda jetti. 53-inshi mınýtta qaqpashy Petr Cheh dopty qabyldaý kezinde qatelik jiberdi, ony Teofanıs Gekas jaqsy paıdalanyp, chehtardyń qaqpasyna kirgizdi. Esepti teńestirýge qansha árekettengenimen, grekııalyqtar chehtardyń qaqpasyn ala almady. Oıyn Chehııa quramasynyń basymdylǵymen - 1:2 esebimen aıaqtaldy.

Ekinshi oıyn Polsha astanasynyń ulttyq stadıonynda ótti, onda alań ıeleri - Polsha quramasy Reseı komandasymen teń oıyn kórsetti. Esep - 1:1.

Qaýipti sátterdiń biri reseılikterdiń qaqpasynyń aldynda týyndady. Onda Lıýdovık Obranıak aıyp alańynan qaqpashy Vıacheslav Malafeevke dopty soqqannan keıin, Sebastıan Benısh ony basymen baǵyttady. Biraq bul joly reseılik qaqpashy komnadany qutqaryp qaldy. 18-inshi mınýtta polıaktardyń jartylaı qorǵaýshysy Oıgen Polanskı dopty qaqpaǵa dóp túsirdi, biraq, reseılikterdiń qýanyshyna qaraı, arbıtr ony ofsaıd dep tanydy.

Degenmen, reseılikter matchta esepti birinshi bolyp ashty. 37-nshi mınýtta Andreı Arshavınniń pasymen jartylaı qorǵaýshy Alan Dzagoev polıaktar qaqpasyna dopty basymen baǵyttady. Qaqpashy Pshemyslav Tyton oǵan tótep bere almady. A.Dzagoev úshin bul gol Eýro-2012-degi úshinshisi boldy jáne ol jartylaı qorǵaýshyǵa shabýyldaýshylardyń tiziminde alǵa shyǵýǵa múmkindik berdi.

Ekinshi taım polıaktardyń shabýylymen bastaldy. 46-nshy mınýtta Robert Levandovskıı aıyp alańyna kirip, qaqpashyǵa baǵyttaldy, biraq reseılik qaqpashy qyraǵylyǵyn kórsetti. Degenmen, 10 mınýttan keıin ıAkýb Blaşıkovskıı ıÝrıı Jırkovtan aınalyp ótip, dopty aıyp syzyǵynan baǵyttap, esepti teńestirdi.

Budan keıin oıyn baısaldyq jaǵdaıda ótti. Nátıjesinde Reseı men Polsha teń oıyn kórsetti - 1:1.
Búgin «V» tobyndaǵy ekinshi kezeńniń matchtary ótedi. Lvovta Danııa men Portýgalııa quramalarynyń kezdesýi ótedi. Chempıonat Harkovta da jalǵasady, onda Gollandııa men Germanııanyń komandalary oınaıdy.

QazAqparat óz oqyrmandaryn fýtboldan «Eýro-2012» Eýropa chempıonatynyń kún saıynǵy nátıjelerimen aqparattandyrýdy jalǵastyrady.