Eýro 20 jyldyq mereıtoıyn atap ótýde
ASTANA. QazAqparat - Ortaq eýropalyq valıýtanyń shyqqanyna 20 jyl toldy, dep habarlaıdy QazAqparat Eýronıýske silteme jasap.
1999 jyly 1 qańtarda Eýroodaqtyń 11 eliniń arasynda qolma qol aqshasyz esep aıyrysýdyń birligi retinde eýro engizilgen bolatyn. Al 2002 jyly eýrokýpıýra men eýromoneta aımaqtaǵy elderdiń ulttyq valıýtalaryn tolyq aýystyrdy. Qazirgi tańda eýro Eýropanyń 19 memleketindegi 340 mln-nan astam azamattyń ortaq valıýtasy.
Jańa jylda 500 eýrolyq kýpıýra aınalymnan tolyq alynyp tastalady. Óıtkeni eń úlken eýrobanknotanyń joıylýyna uıymdasqan qylmys sebepshi bolyp otyr. Krımınalısterdiń pikirinshe, mafııalyq toptar osy kýpıýrany paıdalanǵandy qolaıly sanaıdy.
Eýroodaqtyń 17 elindegi osy banknota qańtar aıynda aınalymnan alynyp tastalsa, Germanııa men Aýstrııa kýpıýrodan tek sáýir aıynyń sońynda bas tartady. Sebebi osy eki elde osyndaı banknotanyń kóp bóligi aınalysta.
