Eýrazııashyldyqtyń jarqyn jemisti qundylyǵy - Qazaqstannyń eńseli elordasy Astana bolyp tabylady
ASTANA. 15 maýsym. QazAqparat - Búgin elordada «Jańa álemdegi eýrazııalyq mádenıet» halyqaralyq forýmy ótti. Atalǵan alqaly jıynǵa qatysýshylar arnaıy úndeý qabyldady. QazAqparat osy úndeýdiń tolyq mátinin taratady.
«Jańa álemdegi eýrazııalyq mádenıet» halyqaralyq forýmy qatysýshylarynyń
ÚNDEÝІ
Biz, Astana qalasyndaǵy «Jańa álemdegi eýrazııalyq mádenıet» halyqaralyq forýmynyń qatysýshylary Táýelsiz memleketter dostastyǵy Memleketteriniń kóshbasshylaryn, ǵylymı jáne shyǵarmashylyq qoǵamdastyqtaryn bizdiń memleketterimizdiń arasyndaǵy mádenı-gýmanıtarlyq jáne aqparattyq yntymaqtastyqty damytýǵa budan ári kúsh salýǵa shaqyramyz.
TMD keńistigindegi shyǵarmashylyq qoǵamdastyqtyń úzdiksiz úndestiginiń tamyry tereńde jatyr. Ony nyǵaıtýdyń negizi bizdiń halyqtarymyzdyń ortaq adamgershilik, rýhanı, mádenı qundylyqtary, sondaı-aq, qazirgi zamanǵy álemniń jańa jáne óskeleń syndary men qaterleriniń aldynda shoǵyrlanýdyń qajettigi bolyp tabylady.
Osyndaı forýmdardy ótkizý - bizdiń elderimizdiń ornyqty damýynyń joldaryn birlesip izdeýge, bizdiń halyqtarymyzdyń arasynda senim men ózara túsinistikti nyǵaıtýǵa múmkindik bolyp tabylady.
Eýrazııalyq ıntegratsııalyq úrdisterdiń aıasynda bul úndestik erekshe mańyzǵa ıe bolady.
1994 jyly Máskeý memlekettik ýnıversıtetiniń qabyrǵasynda Qazaqstan Respýblıkasynyń Prezıdenti Nursultan Nazarbaev Eýrazııalyq odaq qurý týraly tarıhı bastamany alǵa tartqan bolatyn. Búginde sol jobanyń naqty kórinis alyp kele jatqanyn biz kórip otyrmyz. Onyń artynda - eýrazııalyq keńistiktiń bolashaǵy men jańa urpaq úshin keleli keleshek tur.
Eýrazııashyldyqtyń jarqyn jemisti qundylyǵy - mádenıetaralyq jáne konfessııaaralyq úndestik, tózimdilik, beıbitshilik pen kelisim, rýhanı jáne mádenı progressi - Qazaqstannyń eńseli elordasy Astana bolyp tabylady.
Astananyń jasampaz rýhy Shyǵys pen Batys mádenıetin óz ishine sińirdi. Bul jerde qazirgi zamannyń sońǵy úlgisindegi teatrlar men murajaılary, kontserttik zaldary, ǵylymı ortalyqtary turǵyzylýda, ónerdiń kóptegen janrlary damýda. Biz Astanany - osyndaı shabytty, serpindi, bolashaqqa umtylǵan qala retinde kórdik.
Sondyqtan, Astananyń bıyl eki birdeı qurmetti halyqaralyq mıssııalardy oryndaýy - TMD men túrki áleminiń mádenı astanasy bolyp saılanýy kezdeısoqtyq emes. Bul qazirgi Qazaqstandaǵy mádenıettiń qoǵamdy áleýmettik jańartýdyń mańyzdy faktory bolyp tabylatyndyǵynyń kýási.
Eýrazııalyq mádenı keńistikti qalyptastyrý úshin biz TMD-nyń gýmanıtarlyq yntymaqtastyq jónindegi keńesi men Memleketaralyq gýmanıtarlyq yntymaqtastyq qorynyń aıasyndaǵy shyǵarmashylyq jáne ǵylymı ıntellıgentsııalardyń forýmdaryna úlken mán beremiz. Qordyń kóptegen elderdiń qoǵamdyq jáne shyǵarmashylyq birlestikterimen birlesip iske asyratyn jobalaryna erekshe nazar aýdaramyz.
Biz, Forýmnyń qatysýshylary, bizdiń elderimizdiń mádenı árekettestikteri saıası, ekonomıkalyq jáne basqa salalardaǵy yntymaqtastyqty kúsheıtý úshin barynsha qolaıly jaǵdaı jasaıtyndyǵyna senemiz.
Biz Mádenıet jáne mass-medıa salalaryndaǵy birlesken jobalardy óristetýdi jaqtaımyz.
Jemisti yntymaqtastyqqa degen senimdilik bizdiń halyqtarymyzdyń tatý kórshiligi, bizdiń Kóshbasshylarymyzdyń saıası jigerleri, mádenıet pen óner adamdarynyń birlesken shyǵarmashylyqqa degen umtylysyna negizdelgen.
Osy umtylystar shabytty da, jemisti bolsyn!
