Eýrazııanyń negizgi kólik haby retindegi ornyn nyǵaıtý úshin Qazaqstannyń aldynda birqatar mańyzdy mindet tur — Prezıdent
ASTANA. KAZINFORM — Qazaqstan halqyna Joldaýyn jarııalaý kezinde Prezıdent Qasym-Jomart Toqaev kólik salasynda atqarylyp jatqan jumystar men aldaǵy josparlardy málimdedi.
— Qazir Qazaqstanda birneshe áýejaıdyń qurylysy qatar júrgizilip jatyr. Mundaı nysandardy bir mezette salý tájirıbesi el tarıhynda buryn-sońdy bolmaǵan. Arqalyqtaǵy áýejaıdy qalpyna keltirý jumysy aıaqtaldy, taıaýda Zaısan, Katonqaraǵaı, Kendirli áýejaılary iske qosylady. Kelesi jyly osy saladaǵy álemdik iri kompanııalardyń birin tarta otyryp, Astanada jańa áýejaıdyń qurylysyn bastaımyz, — dedi ol.
Sonymen birge, Prezıdent Eýrazııanyń negizgi kólik haby retindegi ornyn nyǵaıtý úshin Qazaqstannyń aldynda birqatar mańyzdy mindet bar ekenin atap ótti.
— Eń aldymen, halyqaralyq baǵyttardy qosa alǵanda, kólik salasyn tolyq tsıfrlandyrý qajet. Jasandy ıntellekt dáýirinde jahandyq tranzıt aǵyndaryn qaǵaz júk qujattary arqyly basqarý — aqylǵa qonymsyz. Bul — tyǵyryqqa tireıtin jol, — dedi ol.
Aıta keteıik, buǵan deıin Prezıdent úlken qurylys qozǵalysyna «Halyqtyq qurylys» degen ataý berýdi usynǵanyn jazǵanbyz.
