Eýrazııalyq úkimetaralyq keńeste qandaı qujattarǵa qol qoıyldy
Sonymen, «Tasymaldardy baqylaý úshin navıgatsııalyq plombalardy EAEO aýmaǵynda paıdalaný týraly kelisimdi iske asyrý týraly» máselesi aıasyndaǵy jáne EAEO-nyń biryńǵaı keden tarıfiniń kedendik baj salyǵyna qatysty tapsyrmalaryna qol qoıyldy.
Úkimet basshylary EAEO-nyń ıntegratsııalanǵan aqparattyq júıesiniń jaǵdaıy men damytý perspektıvalary týraly qaýlyny bekitti.
Sonymen qatar búgingi otyrysta 2014 jylǵy 29 mamyrdaǵy EAEO týraly shartqa ózgerister engizý týraly hattama jobasy jónindegi tapsyrma qamtyldy. Osy oraıda jeke tulǵalar ótkizetin taýarlardy elektrondy saýdalaý kezinde janama salyqty óndirý tártibine qatysty bolyp otyr.
Premer-Mınıstrler qaraýyna aýyl sharýashylyǵy ónimderin jedeldetilgen konteınerlik temirjoldyq tasymaldaýdy júzege asyrý jónindegi birlesken joba týraly qujat engizildi.
Munymen qosa, kólik quraldarynyń jekelegen túrlerine qatysty Keden odaǵy komıssııasynyń keıbir sheshimine ózgerister engizý týraly, sondaı-aq «EAEO-nyń jekelegen bastamalaryna Ózbekstannyń qatysýy týraly» máseleler aıasynda tapsyrmaǵa qol qoıyldy.
Qol qoıylǵan qujattardyń arasynda «EAEO-ǵa múshe memleketterdegi makroekonomıkalyq jaǵdaı jáne ornyqty ekonomıkalyq damýdy qamtamasyz etý boıynsha usynystar týraly», «2022-2023 jyldarǵa arnalǵan EAEO-ǵa múshe memleketterde azamattyq avıaqurylys salasynda ónerkásiptik yntymaqtastyqty keńeıtý boıynsha is-sharalar kesheni týraly», «Joǵarǵy Eýrazııalyq ekonomıkalyq keńeske Eýrazııalyq ekonomıkalyq komıssııa keńesi múshesin usyný týraly», «Eýrazııalyq úkimetaralyq keńestiń otyrysyn ótkizý ýaqyty men orny týraly» qaýlylar bekitildi.
