«Eýrazııalyq saýda júıesi» taýarlyq bırjasynda 1506 tonna astyq satyldy
ALMATY. Jeltoqsannyń 4-i. QazAqparat /Erbol Azanbek/ - «Eýrazııalyq saýda júıesi» taýarlyq bırjasynda kezekti astyq saýdasy ótti,
dep habarlaıdy QazAqparat.
3,4 synypty tasymaldy astyq fıýchersi úshin ótken kúndizgi sessııa barysynda 3-shi synypty astyq úshin jeltoqsan, 2010 jyldyń qańtar, aqpan aıynda jetkizilýi tıis 24 kelisim jasaldy. Jeltoqsan aıynda jetkizilýi tıis 3 synypty astyq boıynsha fıýcherstiń joǵarǵy baǵasy tonnasyna 14 150 teńge, tómengi baǵa 14 350 teńgeni qurady. Saýda sońynda fıýchers ótken saýda sessııasymen salystyrǵanda 0,7 paıyzǵa ulǵaıyp, tonnasyna 14 450 teńge boldy. 2010 jyldyń qańtar aıynda oryndalýy tıis fıýcherstiń eń joǵary baǵasy 14 200, tómengi baǵasy 14 100 teńge bolǵan edi. Sessııa sońynda 14 200 teńgeni qurady. Aqpan aıyndaǵy fıýchers baǵasy tonnasyna usynylǵan eń joǵary baǵa 12 900 teńge kúıinde qaldy. Kúndizgi sessııanyń saýda aınalymy 21 mıllıon 606 myń teńge nemese 1506 tonna kóleminde boldy.
