«Eýrazııalyq saýda júıesi» taýar bırjasynda kezekti astyq saýdasy ótti
ALMATY. Jeltoqsannyń 2-si. QazAqparat /Erbol Azanbek/ - Búgin «Eýrazııalyq saýda júıesi» (ESJ) taýar bırjasynda 3, 4 synypty astyqtyń fıýcherstik kelisimsharttary úshin kezekti saýdasy ótti,
dep habarlaıdy QazAqparat ESJ baspasóz qyzmetine silteme jasap.
Kúndizgi sessııanyń qorytyndysy boıynsha 3-shi synypty astyq boıynsha, jeltoqsan, 2010 jyldyń qańtar, aqpan aılarynda oryndalýy tıis 52 tasymaldyq fıýcherstik kelisimshart jasaldy. Jeltoqsanda oryndalýy tıis fıýcherstik kelisimniń bastapqy baǵasy astyqtyń tonnasyna 14 500 teńge bolǵan, saýda aıaqtalǵandaǵy quny 14 300 teńgeni qurady. 2010 jyldyń qańtarynda oryndalatyn fıýcherstik kelisim boıynsha astyqtyń tonnasy 14 250 teńge bolǵan edi, saýda aıaqtalǵanda ol ózgerissiz qaldy. Aqpan aıyndaǵy fıýchers baǵasy tonnasyna 13 myń teńge bolyp, sessııanyń jabylýy kezinde 12 700 teńgeni qurady. Kúndizgi sessııanyń aqsha aınalymy 47 mıllıon 424 myń teńgeni qurady.
