Eýrazııalyq odaq ortaq brendpen jumys isteýdi usyndy
«Postkeńestik keńistikte mashına jasaý salasynyń kooperatıvtenýi ulttyq ekonomıka saıasatynyń sheńberimen shektelip keldi. Eýrazııa ekonomıkalyq odaǵynyń qurylýy osy sheńberdiń aıasyn keńeıtip, kásiporyndardyń damýyna jańa serpin berdi. 2018 jyldyń qorytyndysy boıynsha, kooperatıvtik jetkizý kólemi mashına men qondyrǵylar óndirisinde 15 paıyzǵa, avtomobıl qurastyrýda 14 paıyzǵa, elektr qondyrǵylar óndirisinde 10 paıyzǵa ósti. Sońǵy jyldary kooperatıvtendirý baılanystarynyń arqasynda eki el arasyndaǵy taýar aınalymy 40 paıyzǵa artty. Endi odaq aıasynda mashına jasaýshylardyń ortaq derek bazasy qurylmaq. Oǵan kirgen 6 myń kásiporynnyń 90-y — qazaqstandyq kompanııalar. 2020 jyldyń aıaǵynda bul bazaǵa 50 myń kásiporyn tirkeledi degen boljam bar», - degen odaq ókili úshinshi elderge ónim shyǵarý barysynda týyndaıtyn ózara báseke týraly da sóz qozǵady.
«2018 jyly Qazaqstan mashına jasaý óndirisiniń ósimi boıynsha Odaq elderiniń arasynda alǵashqy orynǵa shyqty. Ósim kólemi 26 paıyzdan asady. Avtokólik pen onyń bólshekterin shyǵarý 40 paıyzǵa, elektr qurylǵylarynyń óndirisi 30 paıyzǵa, mashına qondyrǵylaryn shyǵarý 7 paıyzǵa, kompıýterler men elektrondyq ónimderdiń, optıkalyq buıymdardyń óndirisi 30 paıyzǵa ósti. Qazir birlesip shyǵarǵan ónimderdi úshinshi elderge shyǵarýdyń tetikteri rettelip keledi. Bul tusta ózara básekege túspeı, ortaq brendimizdi syrtqy naryqqa ilgeriletý baǵytynda áreket jasaý qajet dep oılaımyz», - dedi Aleksandr Sýbbotın.
