Eýrazııalyq ıntegratsııa - bul uly múmkindik - N. Nazarbaev
«Men qashan da eýrazııashyldar mektebiniń ǵylymı muralaryna, onyń ishinde L.Gýmılevtyń túbegeıli tarıhı tujyrymdaryna erekshe qurmetpen qaraıtynymdy jaqsy bilesizder. Bul baǵyt bizge kóptegen dúnıelerdi berdi. Ýaqyttyń ózi ıdeıalardyń aldyn orap jatqanyn eskersek, HHІ ǵasyrda eýrazııalyq baǵytty tereń zerdeleý erekshe ózekti bolyp barady. Al jalpy jahandaný úderisinde ómir súrip otyrǵan bizder úshin eń qundysy retinde Gýmılev eńbekteriniń barsha halyqqa ózderiniń biregeı tarıhı-mádenı kodymen maqtanýǵa múmkindik beretinin atap ótkim keledi», - dedi N. Nazarbaev.
Elbasy bul rette Eýrazııalyq ekonomıkalyq odaq ıdeıasynyń qoǵamnyń keń aýqymdy qoldaýy arqasynda naqty is-sharalardyń tolyqqandy áreketterine aınalǵanyn atap ótti. «TMD elderiniń basym bóligi qatysatyn erkin saýda aýmaǵyna aınalǵan EýrAzEQ, Kedendik Odaq, Biryńǵaı ekonomıkalyq keńistik - munyń bári bizdiń birlesken jumysymyzdyń jemisi», - dedi Elbasy.
