Eýrazııalyq elektrondy eńbek bırjasy qurylady

NUR-SULTAN. QazAqparat - Osy jyldyń sońyna deıin «EAEO-ǵa múshe memleketterdiń azamattaryn jumysqa ornalastyrý jáne jumyspen qamtýdyń tsıfrlyq ekojúıelik modelin ázirleý» jobasyn bastaýǵa arnalǵan qujattar toptamasyn daıyndaý josparlanǵan. Bul jaıynda QR Eńbek jáne halyqty áleýmettik qorǵaý mınıstrliginen málim etti, dep habarlaıdy QazAqparat tilshisi.

Vedomstvo málimetinshe, joǵaryda atalǵan elektrondyq bırjalar eńbek resýrstarynyń biryńǵaı naryǵyn damytýǵa jáne Eýrazııalyq ekonomıkalyq odaqqa múshe memleketterdiń azamattaryn jumysqa ornalastyrýdy jeńildetýge múmkindik beredi. Elektrondyq qujattamany engizý qajettiligi jumys berýshilerdi eńbek zańnamasynyń talaptaryn oryndaýǵa ıtermelep, jumysshylardyń quqyqtary men eńbek kóshi-qonynyń saqtalýyn baqylaýǵa múmkindik jasaıdy.

Esterińizge sala keteıik, aǵymdaǵy jylǵy qańtarda Máskeýde Eýrazııalyq ekonomıkalyq komıssııa keńesiniń otyrysynda Qazaqstan Respýblıkasy Eńbek jáne halyqty áleýmettik qorǵaý mınıstrligi Eýrazııalyq elektrondyq eńbek bırjasyn qurý týraly bastama kótergen bolatyn. EAEO múshe memleketteriniń Úkimet basshylary elektrondyq eńbek bırjasynyń jobasyn ázirleýge kelisti.