Eýrazııalyq elektrondy eńbek bırjasy qurylady

NUR-SULTAN. QazAqparat - 2019 jyldyń sońyna deıin «EAEO múshe memleketterdiń azamattaryn jumysqa ornalastyrý jáne jumyspen qamtýdyń tsıfrlyq ekojúıelik modelin ázirleý» jobasyn bastaýǵa arnalǵan qujattar paketin daıyndaý josparlanýda, dep habarlaıdy QazAqparat QR Eńbek jáne halyqty áleýmettik qorǵaý mınıstrligine silteme jasap.

«Joǵaryda atalǵan elektrondyq bırjalar eńbek resýrstarynyń biryńǵaı naryǵyn damytýǵa jáne Eýrazııalyq ekonomıkalyq odaqtyń múshe memleketteriniń azamattaryn jumysqa ornalastyrýdy jeńildetýge múmkindik beredi. Elektrondyq qujattamany engizý qajettiligi jumys berýshilerdi eńbek zańnamasynyń talaptaryn oryndaýǵa ıtermelep, jumysshylardyń quqyqtary men eńbek kóshi-qonynyń saqtalýyn baqylaýǵa múmkindik beredi», delingen habarlamada.

Esterińizge sala keteıik, qańtarda Máskeýde Eýrazııalyq ekonomıkalyq komıssııa keńesiniń otyrysynda QR Eńbek jáne halyqty áleýmettik qorǵaý mınıstrligi Eýrazııalyq elektrondyq eńbek bırjasyn qurý týraly bastama kótergen bolatyn. EAEO múshe memleketteriniń Úkimet basshylary elektrondyq eńbek bırjasynyń jobasyn ázirleýge kelisti.