Eýrazııalyq ekonomıkalyq odaq tıimdi-tıimsiz degen syndy ústirt áńgimelerge toıtarys berýi qajet - Memleket basshysy

ASTANA. QazAqparat - Eýrazııalyq ekonomıkalyq odaq tıimdi-tıimsiz degen syndy ústirt áńgimelerge toıtarys berýi qajet. Bul týraly búgin Elordadaǵy Beıbitshilik jáne kelisim saraıynda Qazaqstan halqy Assambleıasynyń «Qazaqstan-2050: beıbitshilik, rýhanııat jáne kelisim mádenıeti» atty kún tártibimen ótip jatqan HHІ sessııasynda QR Prezıdenti Nursultan Nazarbaev aıtty.

«Biz HHІ ǵasyrda birlesip tehnologııalyq sekiris jasaý úshin ekonomıkalyq odaq qurýdamyz. Úsh el bir-birine jahandyq básekelestikte kómek kórsetýi úshin yqpaldasýda», - dedi N.Nazarbaev.

Memleket basshysynyń alǵa tartqan derekterine qaraǵanda, Keden odaǵy qurylǵan kezden beri Qazaqstannyń Reseı jáne Belarýspen aradaǵy taýar aınalymynyń kólemi 88 paıyzǵa ósip, 24 mlrd. dollarǵa jetken. Sonymen birge Qazaqstannyń bul eldegi eksporty 63 paıyzǵa artyp, shamamen 6 mlrd. dollardy quraǵan.

«Qazirgi ýaqytta barlyq ıntegratsııalyq qadamdardyń halyqtyq dıplomatııamen, keń aýqymdy qoǵamdyq qoldaýmen, eń aldymen Assambleıa tarapynan nyǵaıa túskendigi mańyzdy. Bul tıimdi-tıimsiz degen syndy ústirt áńgimelerge jaqsy túsinik ári toıtarys berýi qajet», - dedi Elbasy.