Eýrazııalyq ekonomıkalyq odaq keleshekte Ázirbaıjan, Túrkııa men Iran arqyly keńeıe túsýi múmkin
Bul týraly búgin HІІ Eýrazııalyq medıa-forým barysynda EýrAzEq ınstıtýtynyń bas dırektory Vladımır Lepehın málim etti. Eske sala keteıik, medıa-forým aıasynda búgin «Eýrazııalyq ıntegratsııa. Ekonomıkalyq «tóńkeris bolýy múmkin be?» atty taqyrypta pikirtalas alańy uıymdastyrylǵan edi. EýrAzEQ ınstıtýty basshysynyń aıtýynsha, búgingi kúni ekonomıkalyq odaq týraly shartqa tórt el qol qoıýǵa ázir. Al kezekte Qyrǵyzstan men Tájikstan da bar. «Degenmen, budan bólek eshkim kútpegen qadamdarǵa qaraı basý da bolyp qalýy yqtımal, bul baǵytta da jumystar atqarylýda. Bul rette eýrazııalyq odaqtyń qyzmetine 2015-2016 jyldarǵa qaraı Ázerbaıjan men Túrkııanyń qandaı da bir deńgeıde aralasyp qalýy da mańyzdy», - dedi V.Lepehın. Onyń pikirinshe, bundaı jaǵdaı oryn alǵan bolsa, onda osyndaı aýqymdy ekonomıkalyq odaqqa Irannyń qosylý múmkindigi týraly másele de kún tártibine ózi suranatyn bolady.
