Eýrazııalyq damý bankinen qosymsha úles satyp alý máselesi qaralyp jatyr - Erulan Jamaýbaev

NUR-SULTAN. QazAqparat – Úkimet otyrysynda Premer-Mınıstdiń orynbasary - Qarjy mınıstri Erulan Jamaýbaev Qazaqstannyń Eýrazııalyq banktegi úlesin ulǵaıtý máselesi qaralyp jatqanyn málim etti, dep habarlaıdy QazAqparat tilshisi.

«Buǵan deıin Qazaqstan sanktsııalarǵa baılanysty Eýrazııa damý bankindegi Reseıdiń úlesin satyp alatyny týraly aqparat shyqqan bolatyn. Ondaı jospar bar ma?» - dep surady BAQ ókili Qarjy mınıstrinen.

«Jalpy ondaı másele bar, joqqa shyǵarmaımyz. Óıtkeni shynymen de jumys jaǵdaıynda talqylanyp jatyr. Biraq túbegeıli sheshim joq. Bul jerde qansha úles usynylatynyna, ózge elder, onyń ishinde Qazaqstan da belgili bir bóligin satyp alýǵa daıyn ba degenge baılanysty. Qarjylyq turǵydan munyń qanshalyqty tıimdi nemese tıimsiz ekenine de nazar aýdarylady», - degen mınıstr naqty sheshim qashan shyǵatyny belgisiz ekenin túsindirdi.

«Ázirge naqty bir merzimi joq. Bir, degenmen Eýrazııa damý banki aıtarlyqtaı ornyqty jumys istep tur. Ázirge atalǵan bankke sanktsııanyń qatysy kúshti bolyp turǵan joq», - dedi vıtse-premer.

Foto: primeminister.kz