Eýrazııalyq damý banki Sibirdegi kómir razrezderin tehnıkalyq qaıta jaraqtaý jobalaryn nesıelendirýde
SANKT-PETERBOR. Qańtardyń 13-i. QazAqparat /Elena Mıagkova/ - Eýrazııalyq damý banki «Sibir kómir-energetıkalyq kompanııasy» ashyq aktsıonerlik qoǵamymen nesıelik kelisimge otyrdy.
Bul kelisim Sibirdegi kómir razrezderin tehnıkalyq qaıta jaraqtandyrý jónindegi ınvestıtsııalyq jobanyń aıasynda jasaldy, dep habarlady banktiń baspasóz qyzmetinen. Qol qoıylǵan kelisimge sáıkes, bank sibirlik kompanııa úshin 5 jyl merzimge jáne 55 mıllıon dollar somaǵa nesıelik jeli ashady.
Eýrazııalyq damý bankiniń qarjylyq resýrstary Hakasııadaǵy, Býrıatııadaǵy jáne Kemerovo oblysyndaǵy kómir razrezderi úshin júk kóterý qýaty 220 tonnaǵa deıin jetetin jańa 25 BelAZ samsosvaldaryn satyp alýǵa jumsalmaq.
Atalmysh joba sibir óńiriniń ornyqty ekonomıkalyq damýyna qosylǵan aıtýly úles bolyp tabylady, ol sondaı-aq Reseı Federatsııasy men Belarýs Respýblıkasynyń arasyndaǵy ózara saýda-sattyqtyń kólemin arttyrady, deıdi sarapshylar.
Eýrazııalyq damý banki - Reseı Federatsııasy men Qazaqstan Respýblıkasy 2006 jyly qurǵan halyqaralyq qarjy uıymy bolyp tabylady. Banktiń mıssııasy - qatysýshy memleketterdiń naryqtyq ekonomıkasyn damytýǵa, olardyń ekonomıkalyq ósýine úles qosý jáne ınvestıtsııalyq jobalardy qarjylandyrý arqyly elderdiń saýda-ekonomıkalyq baılanystaryn keńeıtý bolyp tabylady.
