Eýrazııalyq básekelestik jónindegi yntymaqtastyq alańy qurylady - BQA
ASTANA. 16 qyrkúıek. QazAqparat - Óńirlik deńgeıde ıntegratsııalyq úrdisterdiń sapasyna shynaıy áser etýge qabiletti jańa formattaǵy Eýrazııalyq básekelestik jónindegi yntymaqtastyq alańyn qurý týraly bastama jasaldy. Bul týraly búgin Parlament Májilisindegi Úkimet saǵatynda QR Básekelestikti qorǵaý agenttiginiń tóraǵasy Bolatbek Qýandyqov málim etti.
Tóraǵanyń aıtýynsha, atalǵan bastamany iske asyrý maqsatynda qazirgi kúni Eýrazııalyq básekelestik yntymaqtastyq alańynyń tujyrymdamasy ázirlenip jatyr. Bul basqa alańdarǵa qatysty qaıtalaýshy organ emes, kerisinshe olardy tolyqtyratyn bolady.
«Eýrazııalyq básekelestik jónindegi yntymaqtastyq alańynyń ereksheligi onyń baǵyty jumys istep turǵan halyqaralyq uıymdar qamtyǵan básekelestikti qorǵaý salasyndaǵy baǵyttardy jaqsartýmen baılanysty bolyp, óziniń «eldik ereksheligi» eskeriletin bolady. Atalmysh alań yntymaqtastyǵy ózara múddeni bildiretin elderdiń ǵana monopolııaǵa qarsy organdaryn, onyń ishinde kórshiles eldermen, sonymen birge, taýar aınalymynyń kólemi jáne Qazaqstandaǵy ınvestıtsııalar kólemi úlken bolatyn eldermen biriktiretin bolady», - deıdi B. Qýandyqov.
Onyń sózine qaraǵanda, Eýrazııalyq básekelestik jónindegi yntymaqtastyq alańyn qurýdaǵy artyqshylyqtardyń biri bıznes úshin tıimdi aqparattyq orta qurý bolyp tabylady. Naryqtyq úrdistiń barlyq qatysýshylaryn turaqty ǵylymı zertteý, saraptamalyq taldamalyq, aqparattyq, ádisnamalyq qamtamasyz etý kásipkerlikke básekelesken kezde durys sheshim qabyldaýǵa múmkindik beredi.
