Eýrazııalyq bank basshynyń jańa orynbasary taǵaıyndaldy

 ASTANA. QazAqparat - «Eýrazııalyq bank» AQ basqarma quramynda ózgerister bolǵandyǵy týraly málimdedi, dep habarlaıdy QazAqparat.

Naýryzdyń 1-nen bastap, dırektorlar keńesi Pechenkın Oleg Vladımırovıchti basqarma tóraǵasynyń orynbasary qyzmetine saılady, delingen Qazaqstandyq qor bırjasynyń saıtynda.

Aıta keteıik, 2016 jyldyń mamyr aıynda Eýrazııalyq bank Ulttyq banktiń ruqsatyn alyp jáne ótkizý aktisine qol qoıyp, EU Bank-tiń oǵan qosylýynyń resmı protsedýralaryn júzege asyrdy. Osylaısha, iri qurylymǵa aınalǵan bank óz jumysyn «Eýrazııalyq bank» berndimen jalǵastyrdy. 2017 jyldyń 14 aqpany kúni ol Global Finance halyqaralyq jýrnalynyń talaptary boıynsha «Saýdany qarjylandyrý salasyndaǵy úzdik bank» atalymyn jeńip aldy.