Eýrazııalyq úkimetaralyq keńestiń otyrysy Qyrǵyzstanda ótedi
ASTANA. KAZINFORM – 14-15 tamyzda Ystyqkól oblysynyń Cholpon-Ata qalasynda Eýrazııalyq úkimetaralyq keńestiń kezekti otyrysy ótedi, dep habarlaıdy Kazinform tilshisi.
Іs-sharada EAEO-ǵa múshe elderdiń úkimet basshylary Odaq aıasyndaǵy ıntegratsııalyq ózara is-qımylǵa qatysty máselelerdiń keń aýqymyn talqylaıdy.
EEK málimetteri boıynsha tómendegi sharalardy qarastyrý josparlanyp otyr:
– EAEO sheńberinde jalpy bırjalyq (uıymdastyrylǵan) taýar naryǵynda bırjalyq saýdany damytý baǵdarlamasyn bekitý týraly;
– 2024 jylǵa arnalǵan transshekaralyq naryqtardaǵy básekelestiktiń jaı-kúıi jáne olardaǵy básekelestiktiń jalpy erejelerin buzýdyń jolyn kesý boıynsha qabyldanǵan sharalar týraly EEK-tiń jyl saıynǵy esebi týraly;
– 2024 jyly EAEO munaı jáne munaı ónimderiniń ortaq naryqtaryn qalyptastyrý barysy týraly esep;
– 2024 jyly EAEO ortaq gaz naryǵyn qalyptastyrý barysy týraly esep;
– EAEO-ǵa múshe memleketterdiń 2024–2026 jyldarǵa arnalǵan úılestirilgen (kelisilgen) kólik saıasatyn iske asyrýdyń negizgi baǵyttary men kezeńderin iske asyrý jónindegi is-sharalar josparyna ózgerister engizý týraly;
– 2024 jyly EAEO keńistiginde júk temirjol kóligin tsıfrlandyrý boıynsha birinshi kezektegi sharalar josparynyń jáne EAEO men QHR arasyndaǵy saýda-ekonomıkalyq yntymaqtastyqty damytý josparynyń «Kólik dálizderin tsıfrlandyrý» bóliminde kózdelgen is-sharalardyń oryndalý barysy týraly;
– klımattyq kún tártibindegi máselelerdi retteý tásilderin iske asyrý boıynsha EQBJ nusqaýlaryn oryndaý týraly;
– EAEO eńbek naryǵynda eń suranysqa ıe kásipterge qoıylatyn biliktilik talaptaryn jaqyndastyrýdyń oryndylyǵy jáne kásibı biliktilikti rastaý tártibi týraly esep;
– EAEO-da jalpy dárilik naryqty damytý tujyrymdamasy týraly;
– EAEO-da medıtsınalyq buıymdardyń ortaq naryǵyn damytý tujyrymdamasy týraly.
Eske sala keteıik, buǵan deıin Qyrǵyzstandaǵy «Manas» halyqaralyq áýejaıy jańa IATA kodyna aýysqanyn jazǵan edik.