EAEO elderiniń ishinde Qazaqstannyń ǵana kirisi óspegen — aýdıt

ASTANA. KAZINFORM — Joǵary aýdıtorlyq palata múshesi Nurlan Nurjanov Májiliste 2024 jyldyń bıýdjet qalaı atqarylǵanyn baıandap jatyr.

Palata ókiliniń aıtýynsha, 2024 jyly EAEO aıasynda qazynaǵa túsken salyq mardymsyz bolǵan.

— Eýrazııalyq ekonomıkalyq odaq elderi kiristeriniń oryndalýyna qatysty júrgizilgen taldaýda 2023 jylmen salystyrǵanda Qazaqstannan basqa elderdiń bárinde JІÓ-niń ósýimen qatar kirister de óskeni kórinip tur. 2024 jyly óńdeý ónerkásibiniń kólemi 5,4 paıyz ósse de, 2023 jylmen salystyrǵanda túsken salyq kólemi tómendegen. Sonymen qatar respýblıkalyq bıýdjetke qosymsha túsim retinde 898 mlrd teńgeniń 70 paıyzy salyqtyq jáne kedendik ákimshilendirýdiń nátıjelerin jappaıtyny anyqtalyp otyr, — dedi Nurlan Nurjanov.

Eske salsaq, ótken aptada EAEO men Iran arasyndaǵy erkin saýda týraly kelisim kúshine engen bolatyn.