Eýrazııalyq damý qorynyń shtab-páteri Astanada ashylady
ASTANA. KAZINFORM – Búgin Senattyń jalpy otyrysynda «2009 jylǵy 9 maýsymdaǵy Eýrazııalyq turaqtandyrý jáne damý qoryn qurý týraly shartqa ózgerister engizý týraly hattamany ratıfıkatsııalaý týraly» Zańy maquldandy.
Bul hattama Eýrazııalyq turaqtandyrý jáne damý qoryn (ETDQ) Eýrazııalyq damý bankinen bólý qajettiligine baılanysty jasaldy.
Eýrazııalyq turaqtandyrý jáne damý qory 2009 jyly múshe-memleketterdiń ekonomıkalyq jáne qarjy turaqtylyǵyn ilgeriletýge baǵyttalǵan aımaqtyq qarjy tetigi retinde quryldy. Oǵan Qazaqstannan basqa Armenııa, Belarýs, Qyrǵyzstan, Tájikstan jáne Reseı kirdi.
Senattyń Qarjy jáne bıýdjet komıtetiniń málimetinshe, zańnyń mindetteri:
- ETDQ-ny halyqaralyq quqyqtyń jeke sýbektisine aınaldyrý;
- Astana qalasynda shtab-páterdiń ashylýy;
- jobalar men baǵdarlamalardy qarjylandyrý úshin ETDQ quryltaıshy memleketteriniń ulttyq valıýtalaryn paıdalaný;
- ETDQ qyzmetkerleriniń saraptamalyq áleýeti esebinen tehnıkalyq kómek kórsetý, sondaı-aq syrtqy óńirlik nemese jahandyq saraptamany tartý;
- ETDQ-ǵa múshe elder úshin neǵurlym zamanaýı modeldik apparattardy qoldana otyryp, júıeli makroekonomıkalyq monıtorıng jáne ETDQ-ǵa qatysýshy memleketterdegi makroekonomıkalyq ahýal men perspektıvalarǵa baǵalaý júrgizý.
Soderjanıe shtab-kvartıry býdet osýşestvlıatsıa ız sredstv Fonda, dopolnıtelnogo fınansırovanııa ız gosýdarstvennogo bıýdjeta Kazahstana ne trebýetsıa;
Shtab-páter qor qarajaty esebinen qarjylandyrylady. Qazaqstannyń memlekettik bıýdjetinen qosymsha qarjy bólinbeıdi. Osy shtab-páterde negizinen Qazaqstan azamattary qyzmet etedi.
- Qazaqstannyń ETDQ-nyń negizgi donory retinde qatysýy eldiń oń ımıdjin nyǵaıtýǵa járdemdesedi, qatysýshy memlekettermen neǵurlym tyǵyz yntymaqtastyq ornatýǵa, Qazaqstannyń memlekettik basqarý salasynda tehnıkalyq járdem alýǵa múmkindik beredi. Hattamany iske asyrý respýblıkalyq bıýdjetten qarajat bólýdi talap etpeıdi, - delingen Senat komıtetiniń aqparatynda.
Eske salsaq, bıyl sáýir aıynda Memleket basshysy Qasym-Jomart Toqaev Eýrazııalyq damý bankiniń basqarma tóraǵasyn qabyldady.
Eýrazııalyq damý banki – ınvestıtsııalyq qyzmetin Eýrazııa keńistiginde júrgizetin kópjaqty damý banki. Onyń shtab-páteri Almaty qalasynda ornalasqan. 2025 jyly EADB portfeline jalpy ınvestıtsııa somasy 16,5 mıllıard dollar bolatyn 305 joba endi.