Eýrazııa ýnıversıtetiniń Ǵylymı keńesinde qazaq tilinde jaryq kórgen oqýlyqtardyń tanystyrylymy ótedi

Bul aqparatty atalǵan bilim oshaǵynyń baspasóz ortalyǵy taratyp otyr.

Qazaq tilindegi oqýlyqtardy shyǵarý máselesi otandyq bilim berý salasynyń ózekti problemalarynyń biri bolyp tabylady. Sebebi elimizdiń joǵary oqý oryndaryndaǵy qazaq bóliminde oqıtyn stýdent-jastardyń sany 48 paıyz bolsa, olardyń qazaq tilindegi oqýlyqtarmen qamtylý deńgeıi tek 23 paıyzdy ǵana qurap otyr. Elbasy Nursultan Nazarbaev atalǵan máselege erekshe kóńil bólip, memlekettik tildegi sapaly oqýlyqtardy shyǵarý jumysyn otandyq bilim men ǵylym salasyn damytýdyń negizgi baǵyty retinde anyqtaǵan bolatyn. Osyǵan oraı Lev Gýmılev atyndaǵy Eýrazııa ulttyq ýnıversıtetiniń rektory B.Ábdiraıymnyń bastamasymen ýnıversıtet janyndaǵy baspahanadan memlekettik tildegi oqýlyqtardy shyǵarý jumysy qolǵa alyndy.

Ǵylymı keńesiniń uıǵarýymen aǵymdaǵy oqý jylynyń ózinde qazaq tilindegi 20-ǵa jýyq oqýlyqtar jaryqqa shyqty. Osy eńbekterdiń avtorlaryna oqýlyqtyń árbir baspa tabaǵy (16 bet) úshin 6-20 myńǵa teńgege deıin qalamaqy tólenedi. 2010 jyldyń aıaǵyna deıin Eýrazııa ulttyq ýnıversıtetiniń baspasynan qazaq tilindegi taǵy 10 oqýlyqty shyǵarý josparda bar. Bul jumys memlekettik tapsyrystan bólek ýnıversıtettiń jeke qarjysy esebinen atqarylýda. Atalǵan bastama óz kezeginde qazaqstandyq ǵalymdardyń ǵylymı eńbekterin keńinen nasıhattaýǵa jol ashyp qana qoımaı, elimizdiń bilim men ǵylym salasyna qosqan úlken úles bolyp tabylady.