Eýrazııa ýnıversıteti JOO-lar reıtıngisinde kósh bastady
ASTANA. 9 shilde. QazAqparat - Qazaqstannyń úzdik joǵary oqý oryndarynyń jyl saıynǵy reıtıngisi jarııalandy.
Reıtıngti júrgizgen -Bilim sapasyn qamtamasyz etý jónindegi Qazaqstannyń táýelsiz agenttigi.
Agenttik basshysy, pedagogıka ǵylymdarynyń doktory, professor Sholpan Qalanova: «Úzdik joǵary oqý oryndarynyń bas reıtıngi - otandyq ýnıversıtetterdiń básekege qabiletti bolýy men qyzmet sapasyn arttyratyn mańyzdy qadam», - deıdi.
Reıtıngke respýblıkalyq 65 JOO endi. Oǵan kópsalaly - 19, tehnıkalyq - 14, gýmanıtarlyq-tehnıkalyq - 15, medıtsınalyq - 6, pedagogıkalyq - 9, óner baǵytyndaǵy - 3 ýnıversıtet pen ınstıtýt qatysty (www. nkaoko.kz/ reiting).
Reıtıng saýalnamasyna Parlament depýtattary, atqarýshy jáne zań shyǵarýshy bılik ókilderi, ortalyq qalalar men oblystardaǵy ǵalymdar, bilim, mádenıet, densaýlyq saqtaý mamandary men túrli kompanııalar qyzmetkerleri qatysty.
JOO-lar 6 kórsetkish boıynsha baǵalandy. Olardyń ishinde oqytýshylar men stýdentterdiń ǵylymı deńgeıi, shetelderde maqalalardyń jarııalanýy, álemdik Webometrics syndy saıttarda kórinýi sekildi talaptar bar.
Qazaqstannyń kópsalaly ýnıversıtetteri arasynda birinshi oryndy L.N.Gýmılev atyndaǵy Eýrazııa ulttyq ýnıversıteti ıelendi. EUÝ-dan keıingi oryndarda sáıkesinshe Ál-Farabı atyndaǵy Qazaq ulttyq ýnıversıteti, E.Bóketov atyndaǵy Qaraǵandy memlekettik ýnıversıteti jáne M.Áýezov atyndaǵy Ońtústik Qazaqstan ýnıversıteti tur.
