Eýrazııa ulttyq ýnıversıtetiniń stýdentter úıinde «Til - tutastyq týy» atty mádenı shara ótti
TANA. 5 qazan. QazAqparat /Saılaý Abylaev/ - L.N.Gýmılev atyndaǵy Eýrazııa ulttyq ýnıversıtetiniń №5 stýdenttik úıiniń konferents-zalynda «Til - tutastyq týy» atty saltanatty kesh ótti.
Bul shara oqý ornynyń stýdenttik úıleri ákimshiliginiń Qazaqstan halqynyń Tilderi kúni aptalyǵy aıasynda uıymdastyryldy.
Jıynda sóz alǵan stýdentter úıi ákimshiliginiń dırektory I.V.Nesen memlekettik tildiń elimiz halyqtaryn toptastyrýdaǵy zor mańyzyna toqtala kelip, búginde bilimdi jastar úsh tuǵyrly til baǵdarlamasyn júzege asyrýǵa belsene qatysýy tıis ekenin atap ótti.
Stýdent Sevar Zabrýdın jınalǵandardy alty tilde quttyqtap sóz sóıledi. Saltanatty shara kórkemónerpazdardyń kontsertine ulasty. Ajar Oshanova «Qorqyt-qobyz» ánin shyrqatsa, Erbol Erjanov «Adaı» kúıin kúmbirletti, al Saıran Raqymjanov «Tsvetı, zemlıa» ánin orys tilinde naqyshyna keltire oryndap, tyńdaýshylardyń rızashylyǵyna bólendi. Náılıa Tańat ıtalıan tilinde án salsa, Eńlik Berik qazaq jáne ózbek bılerin dóńgelene bıledi.
Kóńildi keshte arnaıy kitaptar kórmesi ashyldy, shara soń jastar dıskotekasymen aıaqtaldy.
Stýdentter úıiniń pedagog-uıymdastyrýshysy Balkúmis Batyrhanovanyń aıtýynsha, jastardyń bos ýaqyttaryn mándi ótkizýge arnalǵan osyndaı qoǵamdyq sharalar odan ári jalǵasyn tappaq. Bul iske stýdentter úıiniń qoǵamdyq qurylymdary da belsene qatysatyn bolady.
