Eýrazııa ulttyq ýnıversıtetiniń oqytýshylary marapattaldy
ASTANA. QazAqparat - Jas urpaqty tárbıeleýde ustazdardyń alatyn róli aıryqsha. Búgingi tańda L.N.Gýmılev atyndaǵy Eýrazııa ulttyq ýnıversıtetiniń oqytýshylary táýelsiz eldiń bilikti mamandaryn daıarlaýda úlken tabystarǵa qol jetkizip keledi.
Bilim ordasynyń túlekteri Elordamyzdaǵy memlekettik organdarda jáne óz mamandyqtary boıynsha bilim men ǵylym salasynyń irgeli uıymdarynda, sondaı-aq kóptegen óńirlerde tabysty eńbek etýde. Shetelde bilimin jalǵastyryp jatqan shákirtter de az emes.
Osyndaı bilikti mamandardy daıarlaýdaǵy oqytýshylardyń eseli eńbekteri marapatqa laıyqty. Eýrazııa ulttyq ýnıversıtetiniń rektory Erlan Sydyqov jas urpaqqa tálim-tárbıe berýde ózindik qoltańbalary bar ustazdardy marapattap, izgi tilegin jetkizdi.
Atap aıtqanda, Akademııalyq máseleler departamentiniń dırektory Shámen Palymbetov pen jýrnalıstıka jáne saıasattaný fakýlteti dekanynyń orynbasary Gúljaýhar Bolatovaǵa «Qazaqstan Respýblıkasy bilim berý isiniń qurmetti qyzmetkeri» tósbelgisin tabys etti.
Sondaı-aq aqparattyq tehnologııalar fakýltetiniń eki birdeı kafedra meńgerýshisi sertıfıkatqa ıe boldy.
